日本菜點少得刺身壽司？餐廳供應吞拿魚、甜蝦、鯛魚及北寄貝等刺身，還有雜錦冷麵，梅子、綠茶、雞蛋、蕎麥各款口味每天輪流供應，而前菜有日式番茄果凍、阿拉斯加蟹肉凍豆腐、和風海膽薯仔沙律、香煎吞拿魚伴山葵醬。
熱食方面，餐廳有即叫即煮嘅鱈場蟹腳海鮮麵豉鍋，客人可自選青口、蟶子、蝦、蜆肉及螺肉等配料，咁多款海鮮選擇，肯定夠晒鮮味。其他日式食品有：天婦羅炸大蝦、龍田炸雞、帶子蔬菜炸雜錦、日式鐵板燒帆立貝配木魚花、酒煮白蜆、日式紅燒鰈魚、西京醬燒三文魚、海鮮茶碗蒸、日式咖喱豬扒飯、照燒雞腿、照燒鴨胸、照燒金菇牛肉卷等等。另外小編推介非常足料嘅日式海膽炒飯，以日式叉燒、蝦、冬菇及雜菜等材料與煙韌軟腍嘅日本米同炒，啖啖充滿鮮味之餘又有咬口。而日式甜品都非常多選擇：南瓜烏豆慕絲餅、抹茶歌劇院蛋糕、抹茶布甸杯、尚有竹炭紅豆卷、日式士多啤梨蛋糕及芝麻芝士蛋糕，好彩蛋糕細細件，食勻咁多款口味都無問題！
除咗日本美食，其他美食仍有供應，例如：美國波士頓龍蝦、加拿大鱈場蟹腳、法國麵包蟹及美國藍青口等冰鎮海鮮、印度咖喱、即做馬來西亞薄餅、飛天包、檳城薄餅、燒加拿大帶骨牛扒配黑椒汁、清蒸石斑、蟹粉海鮮卷等等。
「東瀛滋味」自助晚餐
供應日期及時間：即日起至 3 月 31 日 6:30pm-9:30pm
價錢：
(一月) 星期一至四 成人 HK$518/位、小童 HK$260/位；星期五至日及公眾假期 成人 HK$578/位、小童 HK$290/位
(二至三月) 星期一至四 成人 HK$538/位、小童 HK$268/位；星期五至日及公眾假期 成人 HK$598/位、小童 HK$318/位
Café East
地址：尖沙咀麼地道 72 號千禧新世界香港酒店 1 樓
電話：2313 4222
想睇更多？即上 自助餐 特集！
歡迎你 like 我哋 U Food Facebook Page / U Food Instagram，取得我哋更新更快嘅資訊！
