條件係你能夠大食又夠快，因為餐廳逢星期五至日搞「牛魔王擂台爭霸戰」，參加者於 15 分鐘內 KO 一份 600g 巨型安格斯肉眼扒，總決賽冠軍可獲價值 $1,000 餐飲禮券，計落下次咪可以 2 人來歎晚市 buffet！比賽的巨扒，坊間起碼賣 $800，即使贏不到冠軍，參賽者有機會免費享用，仲有餐券送，點都有 jetso 吧！
唔參賽的咪安心吃牛肉菜式囉，牛肉均在 live station 即烤即煎，上碟熱騰騰，保留肉汁鮮味。頭號必吃岩鹽牛扒， Skirt Steak（側膜橫肌）及 Flank steak（側腹牛扒） 2 款牛扒會放在岩鹽板上畀食客攞，這 2 款牛扒好矜貴，前者每隻牛才得 2.6kg，後者全牛只有 2 塊，好多高檔扒房都有供應，以岩鹽板加熱天然調味，岩鹽鹹香更凸顯牛味濃重。
另一款必食的香辣牛肋骨肉，以加拿大牛肉 slow cooked 30 小時，並以蘋果木煙燻，富油香又香口。自家製安格斯牛 burger 都正，漢堡扒配以超過 10 種香料自製的 BBQ 汁及車打芝士，juicy 非常；仲有巴西燒烤牛肉、牛肉腸、意式薄切生牛肉同韓式蜜梨醃牛肉條，牛魔王聽到都流口水。
同場仲有 80 款菜式，記者推介傳統瑞士烤芝士、芝士黑松露 risotto、冰鎮海鮮、無味精燉湯。甜品食硬杯裝 Häagen-Dazs 雪糕，付出 $458 呢個價都算幾抵。
喜瑪拉雅岩鹽板牛扒
美國安格斯 skirt steak 先慢煮 8 小時，再燒至五成熟，重肉味，富油份。
自家製煙燻香辣牛肋骨肉
加拿大連骨牛扒以 54℃ 低溫，花上 30 小時慢煮，配以辣椒汁，保持肉質鬆軟，肉汁豐富，濃厚肉味滲煙燻香。
安格斯牛肉漢堡
用美國安格斯牛肉做，混合肩膊、西冷尾及牛冧肉製成漢堡扒，各取油脂、重肉味、富口感特點，即叫即煎夠 juicy。
韓式生薑香蒜蜜梨醃牛肉條
美國安格斯牛肉條加入了梨蓉、蜜糖、醬油、清酒、薑米、蒜蓉及麻油調味，富甜、辛、香層次。
薄切生牛肉片配黑松露油
美國安格斯牛柳肉，沾上黑松露油香，加上薄片巴馬臣芝士及火箭菜，添上芝士香。
安格斯牛肉巴西串燒及牛肉腸
美國安格斯西冷啖啖肉，加了辣粉、蒜粉及洋葱粉醃，更惹味；牛肉腸大大條，充滿肉感。
牛魔王自助晚餐
地址：沙田安平街 1 號沙田萬怡酒店 2 樓 MoMo Cafe
電話：3940 8788
供應時間：4 月 1 日 至 6 月 30 日（5 月 8 日母親節除外）6pm - 10pm
價錢：星期一至四 成人 $458 位、小童 $268 位 ，星期五至日及公眾假期 成人 $508，小童 $298，另收加一
相關報導：
喪食有米豬 x 粥底海鮮鍋
辣王必嘗 川菜 BUFFET 變臉騷
想睇更多？即上 自助餐 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
