全國冠軍 日本淺草天丼殺入銅鑼灣

發佈: 2016.06.08
文:

不過我有好消息,上年於日本全國天丼大賽中奪得冠軍、來自日本淺草嘅天丼專門店「下町天丼 秋光」,今日正式係銅鑼灣開張,食材、炸法等全部跟足日本店!

天丼,即是天婦羅碗飯,於香港真係比較少食得到。搞到一班天丼迷時常朝思暮想,由今日開始香港都食得到!日本人氣過江龍「下町天丼 秋光」於 6 月 3 日正式落戶銅鑼灣。餐廳嘅本店是於1889 年創業立、已有 127 年歷史歷史嘅「土手の伊勢屋」,而「秋光」嘅老闆谷原秋光同時係本店嘅第五代繼承人。谷原秋光係高中時已經係伊勢本店工作,掌握到炸天婦羅嘅技巧,更因此帶領秋光淺草店奪得日本全國天丼大賽金牌,絕對是實力派!

來到香港開分店,當然唔會馬虎!店內用來混合炸漿嘅蛋及粉都是日本空運到港,食材更是由築地或淺草運來。炸油則沿用江戶時代嘅混合油炸方式,以芝麻油及沙律油 mix 成,有效去除食材的腥味。加上店內採用於明治 22 年調配嘅醬汁配方再加以改良,味道鹹鹹甜甜,令天婦羅味道更豐富。

大堆頭嘅「五代目天丼」原來是身為第五代傳人嘅個人代表作,谷原秋光特選 7 種包括海鰻、海鰻骨、大蝦、櫻花蝦餅、香魚、昆布魚籽等時令食材,放在北海道七星米上,鋪到只見天婦羅不見飯!而穴子天丼嘅海饅,每日由築地直送,兩條長 22 厘米嘅海鰻加上茗荷、南瓜、青椒仔 3 款野菜。餐廳另有小食、刺身、壽司等供應,配啤酒或清酒食一流!

秋光

地址︰銅鑼灣登龍街 28 號永光中心 13 樓
電話:3580 0654

文:Jessie

相關報導:
過江龍 日天婦羅百年老店駕到

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more