樽仔奶茶好處係冰凍得來,唔怕邊飲邊俾溶冰溝涼味道,仲可以買定放 office。找來 5 間連鎖店/小店出品嘅樽裝冰鎮奶茶比拼,睇吓邊枝係你心目中奶茶王!
5 間樽仔奶茶出品有來自茶記,亦有小食店、連鎖店出品。比拼就它們的甜店、奶香、茶味、價錢等作比拼,結果如何?即看下表就一目了然!
飲呢啲現成枝裝飲品,無得走甜,小編最 concern 係會唔會甜死人,5 枝中,只得一間凱施餅店標明奶茶糖分含量,不過,數字也不夠咀巴準,小編親身試味,5 枝中以周記點心出品係最甜,飲幾啖已經有啲膩。凱施餅店嘅奶茶就好重糖漿味,濃濃嘅化學甜味完成掩蓋下,根本 taste 唔到奶味同茶味囉。
飲奶茶講求又滑又香有茶味,DTC 奶茶嘅茶味係最濃,加上落重奶,令口感好厚身,不過茶葉似乎唔夠靚,有嘅苦澀兼嚡口,唔太啱小編口味。質素最平均係康年餐廳,出品無論甜度、奶味、茶味都配搭得宜!奶味最濃郁的果然係老牌金鳳茶餐廳,陣奶味完全中和返甜味同茶味,剛剛 match,同在茶記堂飲的分別不大!不過一買要買 600 ml,咁大枝真係飲足半日,計返價錢︰容量,金鳳雖然係最貴,但翻飲度最高!至於最方便買嘅,當然係最多分店嘅凱施餅店,不過留意返未必間間分店都有樽裝奶茶發售,想試最好打電話問定先。
康年餐廳
地址:太子通菜街 143-145 號地下.查詢:2391 8398
DTC
地址:灣仔汕頭街 27A.查詢:3689 2569
凱施餅店
地址:北角英皇道 193-209 號英皇中心地下 5 號舖.查詢:2815 1488
金鳳茶餐廳
地址:灣仔春園街 41 號春園大廈地下.查詢:2572 0526
周記點心+茶餐廳
地址:西營盤水街東利大廈地下 H1 號舖.查詢:2559 2389
文:Celia
相關報導:
特別!奶茶華麗轉身!
歡迎你 like 我哋 U Food Facebook Page / U Food Instagram ,取得我哋更新更快嘅資訊!