小記於上個星期一的 lunch time 到訪，見到門口已經有一班學生哥等位，果然受區內居民歡迎。其實麵店正是當年在旺角花園街非常出名的羅坤發麵家老闆的兒子，後來因為業主加租而結業，次子就於元朗再開檔。招牌的胡椒豬肚雞腳豬骨湯底，以泰國、馬來西亞或印尼的白胡椒碎，加新鮮豬骨、雞腳及豬肚熬足至少 8 小時，煲好的湯底呈奶白色，辛香味濃。麵店更貼心地將胡椒湯分成 5 個辣度，分別是大辣 =100% 胡椒湯的大辣、50% 胡椒湯 +50% 豬骨湯的中辣、20% 胡椒湯 +80% 豬骨湯的小辣、5% 胡椒湯 +95% 豬骨湯的微辣、100% 豬骨湯的走辣。
胡椒豬肚雞腳豬骨湯麵會連兩隻雞腳、豬骨、豬肚奉客，雞腳及豬肚煲到夠腍，豬骨亦有少訐肉食。如果嫌唔夠豐富，可以追加如豬手、餃子、豬扒、蘿蔔等其他配料。湯底出色之外，麵店的麵條都是亮點之一。自家出品的上海麵即使浸耐了都唔會糊口，另有菠菜麵、芝麻麵、魚茸麵、蝦籽麵及瑤柱麵。
文、攝影：Jessie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
