原來係諗頭多多的火鍋店「酒鍋」新作。叫「青咖喱龍鳳鍋」，唔係講笑，湯底由雞湯及青咖喱湯混合而成，前者用雞殼熬足 4 至 5 個鐘，後者有辣椒、香茅、南薑、椰漿、椰子水，及自家調味的青咖喱醬。
青咖喱龍鳳鍋 $368 青咖喱夠惹味，還滲出雞湯鮮甜，「龍鳳」即原隻波士頓龍蝦及半隻龍崗雞，一個鮮爽，一個嫩滑，好匹配。
飲啖湯，唔算好辣，但愈滾愈香，更有唐芹、大蒜、椰肉、冬菇及本菇等配菜，主角「龍鳳」(即龍蝦及雞肉) 則另上，等大家用最佳時間烹調，唔怕肉質變老變嚡。師傅教落，先將龍崗雞落煲，雞件肥瘦均勻、入口夠滑，龍蝦快熟，後放就夠新鮮，不妨試埋新版本七色丸、安格斯牛頸脊等。打到咁上下，不妨來個椰汁炸彈，即是將椰子雞湯變成冰波，唔怕湯底愈滾愈淡。
頂級安格斯牛頸脊 $238/ 大、$188/ 小 造型突出，牛頸脊片片厚薄適中，油花滿滿，柔軟兼肉味濃。
酒鍋
地址：尖沙咀天文臺道 8 號 2 樓 1 號店
電話：2321 9038
營業時間：星期一至五 12nn - 3pm、6pm - 12mn，星期六日 12nn - 3pm、6pm - 2am
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
