這個榴槤加雞的大膽構思,原本只想搞季節性 gimmick,怎知早排一推出,即時反應熱烈到要放入 Menu。
果皇榴槤雞煲 $298 用上足 6 兩泰國金枕頭肉,既做醬汁,亦有原件果肉,「香」得徹底,粉絲實鍾意,跟雞件味道也夾。
全煲用上 6 兩泰國金枕頭,做法好花心機。每個雞煲即叫即做,先將部分榴槤肉及椰漿攪拌成醬汁,然後跟用蒜頭、薑、乾蔥等爆香的雞件混合,臨上桌更放多幾件金枕頭果肉。
熱食版榴槤,真心講,無想像中的難以接受,果肉半溶,兼帶鹹鹹辣辣味道,好有新鮮感。煮過的榴槤肉,沒了難聞味道,反而只剩果香,平日怕榴槤的朋友亦可放膽食,再試滲進了榴槤香的三黃雞件,肥美、層次豐富。
走型格路線,燈光有氣氛;設卡位坐得舒服。
漁牧
地址:尖沙咀加拿芬道 20 號加拿芬廣場 2 樓
電話:2529 8383
營業時間:星期日至四 5pm - 1am,星期五及六 5pm - 2am
歡迎你 like 我哋 U Food Facebook Page / U Food Instagram ,取得我哋更新更快嘅資訊!