呢個新系列叫「魅力霓裳」，禮盒靈感來自一系列可愛的縫紉工具，設計師覺得製作馬卡龍的步驟，跟針織縫紉一樣，同樣需要極度專注和仔細手藝，於是將兩者結合。盒子以粉紅色作基調，上面除咗有 macarons，仲有針綫、剪刀、綫轆、鈕扣等圖案，繪圖精細，富有藝術美。禮盒 7 月初已開始發售，我忍住先！因為嚟緊將會有兩款新口味馬卡龍登場，分別是蜜瓜味及冧酒呍呢嗱味，前者 fill 滿蜜瓜味的奶油餡料，很清香；後者香甜中帶點點酒味，一樣都係咁 sweet。
8 個裝的馬卡龍禮盒以粉紅絲帶繫上蝴蝶結，漂亮精美，每盒 $ 288。可揀選不同口味。
蜜瓜杏仁蛋白小圓餅 $26/ 件（7 月 18 日開始發售） 粉橘色杏仁蛋白小圓餅內，夾着蜜瓜味奶油餡料，香香甜甜，餘韻帶有蜜瓜濃香。
冧酒呍呢嗱杏仁蛋白小圓餅 $26/ 件（7 月 18 日開始發售） 外層呈琥珀色，靠近鼻子已聞到呍呢嗱香，食落帶有冧酒香甜，配搭得意。
Ladurée
地址：尖沙咀海港城港威商場三階 3224 號舖
電話：2175 5028
營業時間：10am-10pm
文：yo、攝：Pow
歡迎你 like 我哋 U Food Facebook Page / U Food Instagram ，取得我哋更新更快嘅資訊！
