自開業以來,舖頭推出多個變奏版的五層流心芝士包,今次仲同朱古力 crossover,流心餡是將 Cream Cheese 混入 Oreo 朱古力醬,以天然酵母發酵的鬆軟麵包則沾上大量可可粉,食落朱古力同芝士味都幾搭調,而且好 rich,室溫、雪凍同焗熱都好食!視覺同味覺都一樣滿足,暫時屬灣仔店限定,每日中午 12 點出爐,最多可買 6 個咋,記得 mark 住時間喇!
五層流心朱古力芝士包 $28/ 個、$100/4 個
朱古力控仲要留意埋一個叫「奧利魔魔」的新品,熱狗型的包內唧滿大量朱古力醬,插埋幾塊 Oreo,邪惡度一啲都唔輸蝕。
奧利魔魔 $35
除咗麵包,新店仲推出咗蝴蝶酥,有原味同朱古力味,牛油味濃,酥脆好味,最特別的是真的做成蝴蝶形,賣相贏哂!
維也納幻舞蝴蝶酥 $168/ 盒(原味)、$178/ 盒(朱古力味)
最令人興奮係,灣仔店增設了幾個堂食位同咖啡吧,可以畀大家在店內邊打卡邊慢慢歎。咖啡用香港少見的奧地利百年品牌 Julius Meinl 咖啡豆,採用的 Classico 由阿拉比卡高山咖啡豆及印度羅布斯塔咖啡豆混合而成,配以中度偏深的烘培,咖啡香濃烈持久,啡迷千祈咪錯過。
店內有個 coffee bar,仲有幾張椅可畀大家在店內邊食包邊歎啡。
咖啡用的是奧地利百年品牌 Julius Meinl 咖啡豆,成本比一般咖啡豆高,坊間少見。
麥上日光
地址:灣仔軒尼斯道 338 號北海中心地下 C 舖
電話:26119638
營業時間:8am-9pm
文、攝:Amy
歡迎你 like 我哋 U Food Facebook Page / U Food Instagram ,取得我哋更新更快嘅資訊!