將軍澳、調景嶺都可以算係美食沙漠，但早前吃貨朋友收到料話調景嶺嘅彩明街市竟然有韓式炸雞同紫菜飯卷食！呢間叫「鴻興寶」嘅小食店，驟眼睇與一般小食店無異，主打港式小食；一度以為自己搵錯，但細心一睇，原來真係有韓式美食！雖然並非傳統韓食店，食物卻做得有板有眼。
紫菜飯卷以錫紙包住，打開一睇，有點嚇呆，出奇地大份又足料！起碼有 20cm 長！材料有蛋、青瓜及黃瓜，我仲在卷內加埋炸雞餡，食落陣陣麻油香，飯亦不腍口。至於炸雞，確實唔講得笑，即叫即炸，雞肉夠嫩多汁，炸漿唔算厚，淋上自家製的甜辣汁，幾惹味，一盒 $30，性價比都算高；一個人食唔晒一盒，又可揀一串，邊走邊吃好滋味。
紫菜卷 $20、紫菜炸雞卷 $28
紫菜卷配料有蛋、青瓜及黃瓜，飯粒黏性適中，青瓜和黃瓜夠爽口；可在卷內加炸雞，食一條當 lunch 絕對夠飽。
韓式炸雞 $15/ 串、$30/ 盒（配自家製甜辣汁）
韓式炸雞分量夠大，至少有 13 件，即叫即炸，新鮮熱辣，外脆內 juicy。
鴻興寶小食店
地址：將軍澳彩明街市 CM59 號舖
電話：9633 7359
文：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
相關食肆：
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
