店子雖簡陋，但食物超水準！分子出品有拿手魚翅撈飯 / 撈麵、XO 醬蒸排骨飯、炆牛根牛坑腩蘿蔔飯及水晶雞飯。
他花了幾年時間鑽研中式分子料理技術，上枱見到的並非大家見慣的魚子、泡沫，而是將食材用攪拌機打碎成汁蓉，來醃食物或蒸煮。這裡的 XO 醬，用上十多種材料，包括金華火腿、蝦米、炸柴魚，攪拌成汁後撈排骨一起蒸；炆蘿蔔牛腩的香料如蒜子、金華火腿、薑等，攪拌成汁再連香料原材料一齊炆，強化了食物的原汁鮮味，無須加味精已很可口。所有出品均以 60 度至 85 度低溫慢煮，比坊間花多兩三倍時間，肉質明顯柔軟入味又 juicy。煲飯都超認真，珍珠米浸水半小時吸飽水，再低溫慢火分幾段式蒸２個鐘，白飯粒粒分明又軟熟。每份食物更送自家煲的糖水或菊花茶，難得價錢便宜，最平 $40，最貴不過 $70。不少人笑他儍佬，嘥火力兼唔賺大錢，但他一於少理，埋首保持出品質素，咁有 heart，值得支持！
盧浩基師傅自立門戶一腳踢，每晚臨收鋪前校火將食材低溫慢煮，翌日早上回舖便熄火。
分子炆牛筋牛坑腩蘿蔔飯 $40
蘿蔔以花足25小時熬的老雞湯底炆至勁腍，鮮甜入味又無渣。牛坑腩super鬆軟，老人家食都不怕甩牙。
分子XO醬蒸排骨飯 $40
手切排骨以60至85度低溫慢蒸2個鐘，咁柔軟的排骨都係人生第一次食到，醬汁帶微果皮香。
分子魚翅撈飯 $65
選用$800斤的牙揀翅，咬落彈牙，一客有半個湯匙份量。南瓜蓉雞湯底十分清甜，夾雜嫩滑雞絲，佐炸瑤柱蛋炒飯很鮮味。
分子水昌雞飯$40
黃油雞以blend了的沙薑粉及其他調味料醃兩日至入味，皮薄肉嫩，每客飯用五分一隻份量。
蒜子香料汁熬了8個鐘，牛腩炆足12個鐘，將肉的油份迫出來。
伴魚翅的南瓜蓉雞湯底，混合了雲南雞髀菇的中心位，啖啖清爽。
小店地痞格局，最多容納6個客人。食客也可外賣。
文聚分子料理
地址：屯門屯利街 1 號華都花園地下 2C 舖
電話：6857 9993
營業時間：11:30am-9pm
文︰Vera Gee、Louise
歡迎你 like 我哋 U Food Facebook Page / U Food Instagram ，取得我哋更新更快嘅資訊！
