猜不到的竟然是 coffee bar +餐廳+ Gym，將運動和飲食，完美結合。店子有 7,000 呎，進門迎面就是 coffee bar，行前幾步是餐廳，盡頭處還有個 Gym room。老闆 Ricky 熱愛運動，早於北角開設 Gym room，今次西環新店想做點不同，「這 idea （運動 + 飲食）已經諗咗好幾年，辛苦做完運動，如果唔注意食嘢，會影響效果。最好進食高蛋白質、高纖食物，澱粉質要選優質的，像藜麥。」曾當過職業欖球員的他，最清楚如何吃得 smart。
Ricky 鍾情泰菜，覺得泰菜可以做得更健康，例如改用 light 啲淡味啲的醬汁。他特地飛去泰國找顧問廚師，創作一系列有泰菜 feel 的美食，謝絕魚露、味精、精製白糖，用上鮮檸檬汁、青檸汁，調味盡量輕手，連豉油也用減鹽版的。瞄瞄散點菜式，果然有泰菜影子，但混合新元素，像雞肉牛油果生菜包，燒海鮮藜麥沙律、焗三文魚柚子沙律，多菜少肉，全部即叫即做。沙律吧每日供應 5 款選擇，還可 create your own salad，沙律分大細 Size，先自選一或兩款沙律做 base，其次選擇「蛋白質」，包括牛扒、三文魚、雞肉沙嗲，均預先低溫慢煮，有柯打時才即煎，素食者可選蛋或豆腐，最後揀果仁及醬汁，個人專屬的沙律完成。
只想來點輕食，Coffee bar 的出品也很健康，多款 Smoothies 用上椰青水、椰子水、鮮果、chia seed 及菠菜等即製，自家甜點多是無麩質、生機飲食及嚴謹素食，包括 Brownie、Banana cake 及 cookie 等，還有用風乾食材做的能量棒，不少人做 gym 前都愛來一枝。
咖啡豆和茶葉，由男神陳豪成立的 Blooms Roastary & Craft tea 供應，咖啡豆揀亞洲出品，拼配印度、越南及印尼豆，揉合果香、花香及焦糖甘甜等風味。推介的還有用南非博士茶沖泡的 red latte、檸檬茶等，此茶葉不含咖啡因，帶甘甜味，有驚喜。
自選沙律吧每日供應約 5 款，採訪當日有青木瓜沙律、藜麥沙律、蘭度豆沙律等，客人先揀沙律款，再自選心水肉類或海鮮，最後揀果仁及醬汁。
餐廳部分有 common table，窗口位置還有風景看。
Tossed minced chicken with avocado with green oak leaves $78
店子最熱賣菜式，供散點，將泰式傳統生菜包的豬肉換成免治雞肉，加入軟滑牛油果，另有炸腐皮粒、洋蔥、番茄等，擠些青檸汁，用菜包來吃，酸酸辣辣。
Green lentil salad with chicken satay $72
美國雞胸肉跟沙嗲汁一起慢煮，夠入味，沙律內有蘭度豆、青瓜、番茄、西柚及洋蔥等，可中和味道。
Pork's neck, bean spout/ radish/ onion/ sesame dressing $88
豬頸肉慢煮再烤，切成粒狀更爽彈，伴蔬菜一起吃，有助減膩。
Paw paw $72
色彩繽紛，內有青木瓜絲，紅色及黃色車厘茄，甘筍絲，豆角及花生等，等有柯打才加醬汁拌勻，保持清鮮爽脆。
Gluten free banana cake $後補/件
無麩質糕點一般欠缺質感，但這款香蕉蛋糕鬆軟濕潤，內裡混合椰絲、椰子粒，增加椰香味及質感。
Red latte $39
以南非博士茶沖泡的 red latte，色澤橙紅色，茶葉不含咖啡因，帶甘甜味，跟奶香味好夾。
The Warrior Academy 有多種健身器材，還設擂台打拳。
Ricky 曾是職業欖球員，看他 fit 爆身型就知他熱愛運動，深知運動加健康飲食的重要性，便開設餐廳連 Gym room，gym 前 gym 後都食得有營。
The Elephas
地址：石塘咀干諾道西 188 號香港商業中心 1 樓 118 室
電話：2838 3979
營業時間：星期一至六 8:30am-8:30pm（咖啡吧）、11am-9pm（餐廳）
收費：現金及信用卡，不設加一
交通：港鐵香港大學站?B2 出口
泊車：後補
平均消費：$100
文︰Pam
歡迎你 like 我哋 U Food Facebook Page / U Food Instagram ，取得我哋更新更快嘅資訊！
