碟碟 $48 抵食均真本地牛火鍋

最Hit食訊

發佈: 2016.11.01

文:

我諗大家都有跟我一樣的壞經歷，去那些出名賣靚手切牛肉的老牌火鍋店，碟 so call 手切本地牛，又奀又細又瘦，最嬲靚嗰碟、罕有部位統統留晒畀熟客，大家都畀相同價錢，咁樣擺明歧視啫。唔想畀呢啲火鍋敗類吸血，我介紹你嚟呢間價位唔高，又老實，供應嘅牛肉部位又十分刁鑽嘅火鍋店，唔使特權階級，人人食到靚牛。

胸口膀 $48 份 這部分數量也很少，它是牛胸的一塊小脂肪，油脂甘香，口感爽爽軟軟，可以用匙肉夾着它吃。

封門柳 $48 份（限定）這是控制模隔膜的肌肉，一頭牛只有 2 塊，牛味濃郁又帶甜味，以往只有高檔火鍋店才不日供應。

吊龍伴 $48 份（限定）即「牛邊位」是頸脊邊位的肉，這個部分帶油花但唔油膩，特色是吃來煙韌無渣、牛味濃到牙痺。

牛朴肉 $48 份 牛朴肉即是我們常常吃到的頸脊位，纖維細質地軟腍，這裏的油花細緻潔白，牛味適中。

牛骨清湯 $38 想嗒真牛肉味，唔可以用濃湯，所以師傅做了這款牛骨清湯來配牛肉，湯底以清為主，以蘿蔔、粟米加 6-7 斤牛骨慢火熬 6 小時，湯色清澈，浮面油脂不多，淥牛肉會愈淥鮮甜，好似媽媽煮的牛汁咁甜。

【相關報導】
全港最 FANCY！2.5 小時任食台式火鍋

牛心椗、吊龍伴、封門柳、金花趾、胸口膀、挽手肉、匙肉、牛腩心、牛朴肉，嗜牛者聽到這些名字，耳朵就懷孕了，個個都係刁鑽部位，以為要付天價先吃到？錯錯錯，碟碟也是 $48，平到跌咗個下巴。打過邊爐嘅人士都知，封門柳、胸口膀（牛胸油）、吊龍伴（牛邊肉）同金花趾（金錢𦟌）都是名氣火鍋館預留畀熟客的靚位，幾両都收你三嚿，但呢度賣得咁平，因為成班 20 來歲的老闆係大埔街坊，唔想吸街坊血所以咁定價。老闆們機緣巧合下認識了本地牛買手莫先生，莫生是老行尊，對牛肉部位瞭如指掌，除了大路的頸脊位，仲親自為他們切出平常牛肉分割員都不願分割的封門柳（橫隔肌）、吊龍伴（激罕牛脊邊肉）、挽手肉（爽腩坑腩連接肌肉）、牛腩心（牛腩中央最嫩位置）等平常火鍋店吃不到嘅刁鑽位置，而且沒有開天殺價，幾靚碟碟都賣 $48，2 個人嚟開爐都 afford 得到，又可以試多幾個部位。

稻庭烏冬 $18、初生蛋 $5 隻

灼晒牛肉後，啖湯唔好嘥，追加一個稻庭烏冬吃，加隻初生蛋撈勻吃，牛肉的鮮甜都在湯裏。

落單後，職員會放一個 20 分鐘的沙漏在枱面，若沙漏漏完也未送上食物，其後送上的食物便會免費。

【相關報導】
《舌尖 2》好貨！重慶老火鍋登陸

唔好以為這賣價就會將貨就價，這裏賣的是本地牛裏最高級嘅「騸牯牛」，簡單啲講佢哋係牛太監，七情六慾裏只得返食慾，興趣只有食同瞓，所以特別肥美，肉裏都有油花，再甚者油花仲拍得住和牛添。跟平常火鍋店供應的「生牯」（未閹的牛公）牛肉比，「騸牯」養多一倍時間，4 歲才拿去鋸，牛肉味比「生牯」濃郁。激罕部分，如牛心椗、封門柳、金花趾、吊龍伴加埋是日精選 5 個部分，人人爭住嗌，為了人人都吃得到，每枱限叫一客，令生熟客都食到。

牛肉靚到咁淒涼，師傅整咗個唔喧賓奪主嘅牛骨清湯配牛肉，牛肉喺鍋裏一路灼一路滾，牛肉精華最終滲晒入湯裏，臨尾烚埋個烏冬，舐盡本地牛精華。噢！埋單睇睇價，個鍋底先 $38，OMG …… OMG …… OMG，平得有啲過分喎。