點心一定要喺酒家、點心專門店先食到？已經唔係喇！放題店、火鍋店都有！而且仲大賣鬼馬賣相同得意味道。好似開業未夠一年嘅「酒鍋」，本店在尖沙咀天文台道，主打新派火鍋，最近喺銅鑼灣 VPoint 開分店，佔 27 樓全層地方闊落，仲有廂房可以飽覽維港靚景，有火鍋食之餘，仲有摩登點心。
火鍋店佔 27 樓全層，有成 5,200 呎，感覺空間闊落，食得舒服。
最外邊廂房位可以無阻隔望維港靚。
得意小食：像真蘑菇……包 便利店食到
開新店梗係有新搞作，就係銅鑼灣店獨家供應嘅午市點心，有成 30 款咁多，除咗用料講究，最特別就係外型設計花心思。聽食店美女老闆 Vivien 話，希望在傳統點心製作之中，加入創新風格。
魷來游去 $52
個名勁搞鬼！其實係上湯浸魷魚造型粉卷，外皮做得晶瑩剔透，魷魚肉好咬口，配蘿蔔絲、黑松露提味，好香。
開心企鵝包 $48
酒鍋本身有款火鍋墨魚丸叫「開心小企鵝」，設計點心時都做「開心企鵝包」，其實係白蓮蓉包，賣相好 cute。
寸嘴流沙包 $48
Idea 源自 emoji，你我他成日用，好有親切感，個樣真係寸喎。
酒鍋獸 $42
樣子源自 Pokemon go，不過就自創一隻火鍋店精靈，樣子似蟹仔，內裏有泡菜、芝士、蝦及豬肉等，酸香爽口。
酥炸初天鵝 $48
即是炸芋頭酥，外型設計高貴，食落唔油膩，脆口。
酒鍋龍蝦包 $78
真係有龍蝦腳放上包面，用三腳金色食物架盛載，好有秦王 feel。
小食放送：霸氣！啖啖肉龍蝦手卷
12 月中火鍋店會推出多款招牌雞尾酒，圖中 Vintage Negroni (by Giancarlo Mancino) (上)是一杯有帶 Classic 味道 Negroni 雞尾酒，有橙及西柚味作主調，感覺 spicy。另一杯 Chinato Nail (by Giancarlo Mancino) 將 drambuie 蜂蜜酒、whisky 及主酒 Mancino Chinato 混合，再放入陶瓷器通宵浸一晚，令味道更濃厚。各 $108 杯
醉生夢鍋 $328、酒小鴨 $88（前）、鬼馬草莓 $88（後）
五合一湯底變奏而成的「醉生夢鍋」，有花膠黃油雞、肉骨茶、四川麻辣、沙嗲鍋底，各具風味；將灼好的配料沾上中間酒燒龍蝦黑松露芝士鍋的香濃芝士吃，大滿足。
最新得意火鍋配料，兩款都係墨魚丸變奏，酒小鴨（前） 用南瓜蓉混合墨魚丸，而鬼馬草莓更大膽用士多啤梨肉、鵝肝及墨魚肉打成丸，估唔到咁夾。
今期必去：港版 Chocolate Factory DIY + 5 大影相位
干邑酒 x 心太軟 x 小籠包
話明係酒鍋，食物原素少不了酒，火鍋店仲同軒尼詩 V.S.O.P Privilege 作，炮製多款「酒」打美食，好似有心太軟、小籠包等，簡直係食編大愛！
Hennessy 干邑心太軟 $98
朱古力內混和濃濃干邑酒香，中和甜膩感覺，旁邊的哈密瓜可以點朱古力食，正！
Hennessy 干邑雙色小籠包 $88
濃濃肉香混合酒香，人唔會醉，但味覺醉了。
Hennessy Golden Collins 暖冬日干邑雞尾酒（前）$98、Hennessy Smoked Apple 特調干邑雞尾酒 $98
前者以檸檬汁、梳打水及香橙菠蘿糖漿調配，果香滿滿；另一款以薑啤、蘋果汁、青檸汁及薄荷葉調成，辛辣中帶清爽，得意。
Hennessy 福袋海鮮雞鍋 $368
腐皮包着有用干邑浸足一晚的雞及炒雜菌，再配上軒尼詩拔蘭地湯底，現場點火仲見到火焰效果，酒精揮發，卻留下餘香，過癮。
酒鍋
地址：銅鑼灣登龍街 18 號 V Point 27 樓全層
電話： 2323 7098
營業時間：星期四至日 11am-3:30pm、6pm-12mn；星期五及六 11am-3:30pm、6pm-4am
文：Celia、攝：Pow
相關連結：蠟筆小新點心 動感屁股大啖咬！
今期焦點：長駐香港！DIY 合味道 + 出前一丁
美味激鬥：4 大人氣小籠包 邊間最爆汁？
歡迎你 like 我哋 U Food Facebook Page / U Food Instagram ，取得我哋更新更快嘅資訊！
