香港人好鍾意去日本韓國睇紅葉，其實香港都有㗎，就係元朗大棠郊野公園喇！近年仲成為香港觀賞紅葉熱點㖭。一場去到咁遠，斷唔會睇完即走卦，梗係搵地方開餐啦！其實附近的屏山有好多個性舖頭都好值得去，好似圍村人鄧達智所開的 Cafe 123 食堂，食地道港式菜；仲有跑車迷最愛的 F1 cafe，又或者去小町食碗隱世日本拉麵，總有一間啱心水。
【相關連結】
達人教整 露營韓日美食
元朗風味│Cafe 123 食堂
晏晝睇完紅葉心情舒爽，可以去鄧達智開設的 Cafe 123 食堂歎杯咖啡食件多士，店內咖啡比一般茶記啡味更香濃，皆因用印尼蘇門塔臘咖啡豆沖製，入口醇厚好多；必食推介有鹹牛肉芝士蛋菠蘿油，雖然華嫂都有得食，但分別在於煎蛋，一口咬落蛋汁爆出嚟，正。
熱咖啡 $12
入口醇厚不掩豆香，超班。
鹹牛肉芝士蛋菠蘿油 $22
菠蘿包即叫即焗，入口鬆軟；雞蛋、鹹牛肉再混合芝士好惹味，仲會有爆蛋汁效果。
黑松露炒蛋厚多士 $32
兩塊麵包夾芝士烘香；炒蛋用荷蘭蛋，食落蛋味甚香，再加上意大利黑松露醬，香噴噴！
Cafe 123食堂
地址：元朗屏山塘坊村 123 號
電話：9195 4884（只限 WhatsApp 聯絡及預訂）
營業時間：星期一至六 8am-5pm（星期日及公眾假期休息）
【掃區搵食】
大埔延伸掃 太和 5 大心水食點
跑車迷的浪漫│F1 cafe
如果你是跑車迷又鍾意食西餐，F1 cafe 必定係你杯茶。店內裝潢到擺設都係以跑車做主題！食物以歐美 style 為主，炸魚、pizza、牛扒乜都有，不能錯過的是「燒牛肋骨」，大大份都只係 $138，用美國穀飼牛肋骨炮製，入口 juicy，足 2 磅重，可以同 frd 子們開心 share。
炸魚薯條 $98
用越南鯰魚柳沾上啤酒粉漿後炸至金黃色，賣相金黃酥脆，食落香脆可口，沾上自家製他他醬，更滋味。值得一提是，粗身薯條，先用牛油煎過後再炸，食落陣陣牛油香兼脆口，有心機！
燒牛肋骨 $138
兩磅重的燒牛肋骨，每個食客都翻尋味，成為店內的名物。用美國 Prime Grade 穀飼牛肋骨，收到柯打才用百里香醃一醃，放進焗爐烘至 medium rare，食落非常 juicy，牛味甚濃。
露絲瑪莉燒春雞 $98
用 1kg 重的法國有機春雞，以 Rosemary、黑椒等醃足一日再焗，金黃外皮，非常脆口，肉質又夠嫩，底下的蔬菜吸晒肉汁，好好味。
F1 cafe
地址：元朗屏山坑尾村 105 號
電話：2662 2162
營業時間：星期一、二及四 11am-5pm、星期五至日 11am-3:30pm、5pm-9:30pm （星期三休息）
【紫薯狂熱】
100% Match！紫薯糊 x 豆花
隱世拉麵│小町
香港人對日本拉麵有一定的情意結，睇睇拉麵店開到成行成市就知。呢間位於屏山坑尾村的小町，可說是隱世麵店，老闆曾經赴日讀書、工作過，每日陪伴她的只有拉麵。食盡全日本拉麵後回港鑽研自家味道，湯底用豬筒骨熬足 12 小時，再拌入鹿兒島鰹魚、銀魚仔、日高昆布等煮成鰹魚湯，呷過一口後，會不自覺飲晒全碗湯！
白味噌拉麵 $88
用豬骨魚介湯底，加上味噌做調味，湯頭飲落有陣黃豆香，加上以直麵搓至孿曲的麵身，咬落有 Q 彈感，配上肥瘦適中的五花腩製成的叉燒及糖心蛋，大滿足。
赤味噌拉麵 $88
湯底以豬骨魚介湯、赤、白味噌及京葱油等熬成，味噌味濃得來帶少許甜味，而且又辣辣哋，幾過癮，至於配料則有用赤味噌慢火炒香的免治豬肉，好惹味。
小町漢堡包 $32
如果 tea time 唔想食拉麵咁 heavy，可以試試呢個小町漢堡包。麵包是意式 ciabatta，中間夾住五花腩絞成的豬扒，配上自家製叉燒汁，好 juicy。
小町
地址：元朗屏山坑尾村 85 號地下
電話：2316 2988
營業時間：星期三至日12nn-9pm，星期一及二休息
文：Theo
【精選放題】
雞翼控揮手區！1.5 小時任食 12 款雞翼
【海膽狂熱】
3 種半融芝士！爆芝海膽手卷
【下午閒情】
有鹹有甜！得意閃電泡芙下午茶
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
