一講韓燒，我最心水嘅舖頭就係新麻蒲，呢間喺韓國好人氣、世界各地分店好多嘅燒肉店，平日的餐牌多屬數百元的套餐，加多幾款啱心水嘅 item，人均消費都要三四百，而家呢，$168 任添任食喎！
睇清楚先，今次呢個任食唔係為牛魔王而設㗎，「$168 無限添食 Tong-Kun Pork Set」，限時 90 分鐘無限添食任食餐牌入面嘅韓式烤豬肉及雞肉。有乜好食？有辣有唔辣嘅護心肉，呢款係招牌中（口既）招牌，每次必點；仲有豬頸肉、豬肩肉、香辣五花肉、濟洲黑毛豬五花肉、秘製豬排骨、豬皮、豬腸、韓式辣雞腳、辣味及唔辣嘅春川烤雞，任食嘅豬、雞款式總共 13 款！不同部位，口感肉質醃味各不同，就算唔食牛肉都感滿足。
餐廳嘅肉類全部由韓國空運到香港，再由中央工場醃製。護心肉即係豬嘅橫隔膜與肝中間嘅一條肉，有辣有唔辣，肉質軟腍得嚟帶嚼勁，平時散嗌都要$138，食一碟都已經可以回本！
濟洲黑毛豬五花肉有 3 大片，厚切嘅五花肉，一邊燒一邊滲出豬肉油脂。豬肉連埋層層嘅脂肪，口感爽彈而且食落唔油膩。
秘製豬排骨
無骨嘅？店員堅稱呢塊係豬排骨！雖然無咗嚿骨頭，但巨型豬扒肉腍兼 juicy，醃味甜甜哋，加蒜片及韓式辣醬食，好香口！
豬皮一碟有 3 片，醃得辣辣哋咁，質地好腍軟，黏黏的，用生菜包住食又增添爽脆感。
【聖誕去邊】
任食糖果屋！現身赤柱聖誕市集
春川辣味烤雞即係一大塊雞扒加雞翼，醃得辣辣哋，雞肉厚身有肉汁，值得 encore。
韓式辣雞腳質感爽脆，充滿骨膠原，最正係雞腳已經完全去骨，夠方便！
火山芝士泡菜炒飯
豬雞任食套餐其實仲有其他主食、小食及甜品。但要注意，呢啲 items 唔係任食，2 位可以免費點選 1 款主食、小食或甜品，4 位可點兩款、5-6 位可點選 3 款、7-8位可點選 4 款。想試多幾款，記得約多幾個朋友！主食方面有
韓式拌飯、冷麵、豆腐湯、韓國泡麵等 13 款選擇。推介火山芝士泡菜炒飯。
中間嘅
泡菜炒飯加咗煙肉炒，飯面加少許 mozzarella cheese，圍住飯邊嘅係炒蛋，mix 埋一齊食，有泡菜嘅微辣及芝士鹹香，味道層次豐富！
香辣奶油炒年糕
小食類有 8 款，選擇唔少，有炒粉絲、海鮮葱煎餅、豬肉泡菜煎餅、辣炒章魚、火炙霜降牛肉壽司。就連炒年糕都有 3 款口味，芝士炒年糕伴拉麵食得多，試試西韓 fusion 嘅香辣奶油炒年糕，芝士味勁香，忌廉醬汁帶點微辣，好惹味。
【韓風來襲】
搶先試！韓國到着 MEGA 芒果杯
火炙霜降牛肉壽司
單點要 $118/8 件，另一回本之選！霜降牛肉加秘製醬汁，燒至半熟，牛肉嘅油脂滲入飯內，充滿牛脂香。
甜品都包埋！係新麻蒲招牌嘅韓式刨冰，Yeah！總共有
豆粉、紅豆豆粉、藍莓芝士、綠茶、棉花糖朱古力，以及好似石頭鍋飯嘅石鍋拌冰。不過旺角店嘅刨冰機壞咗，暫時未能供應刨冰，非食不可嘅話，記得要打電話問問！
新麻蒲韓國烤肉店
地址：旺角彌敦道 636 號銀行中心 1 樓 8-9 號舖
電話：2788 0933
營業時間：12nn-1am
文：Jessie 攝：Jay
【最新到着】
冬甩控福音！印尼冬甩名店初着陸
【美食激鬥】
尖沙咀 3 大 Souffle 班戟對決！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
