呢個美食市集 TREATS 在太古城中心二樓，有成 17,000 呎咁大，裝潢走木系 x 綠色嘅小清新風格，仲特別搵本地知名花藝設計師 Kirk Cheng 進行花藝創作。
POPTREATS 限定店 – 蛇王芬
食店之中，最注目嘅一定係以 Pop up 形式出場嘅 POPTREATS 限定店，會邀請獲米芝蓮推介食府進駐 pop up，打頭炮嘅係百年老號蛇王芬，將會 pop up 到下年 2 月底。
古法薈五蛇羹 $100
Pop up 店可以食到蛇王芬鎮店古法薈五蛇羹，非常足料暖胃，仲可以要求加埋素翅增添口感。
鴛鴦腸糯米飯 $48
糯米飯係 pop up 店限定菜式，糯米飯入面加咗黑糯米，感覺更健康；另外仲拌入芝麻、大頭菜、肉鬆、花生等，口感豐富。
MAKIRRITO
美食站主打將壽司同墨西哥卷餅融合嘅創意菜式，日式、韓式、泰式以至四川嘅風格都有，仲可以自選心水組合即叫即包。
黑松露龍蝦卷 $88
入口米飯粒粒分明，仲有啖啖鮮甜龍蝦肉同埋濃濃黑松露香，食得好滿足！
炸蛋飯團 $28
金黃香脆嘅炸飯團裏面竟然釀咗隻流心蛋！用流心嘅蛋黃嚟沾脆卜卜嘅飯，超好味！
FUTURE BAR
場內嘅「茶水吧」，除咗有 Bless 嘅冷壓果汁同與 Green Monday 合作嘅水果沙冰，最注目要數香港首設嘅 Ripple Maker 咖啡列印機。
鮮奶咖啡 $33（12oz）
只要 download 指定 app 就可以在咖啡上 print 出心目中圖案，「墨水」係咖啡粉而唔係色素，大家可以放心飲用。開業初期 print 圖案落咖啡嘅服務仲唔使另外加錢㖭！
【周末掃場】
葵廣情報 update！5 大必去新登場食店
SALAD PARK
好多香港人都注重健康，所以呢度設有一個沙律吧，歐陸、地中海同東南亞 style 嘅沙律都有齊。
自選沙律 $48（細，可選 3 款）、$68（大，可選 5 款）
大家可以因應自己嘅喜好 mix 沙律，分量超多，女士們當正餐都夠飽。
PASTA LA VISTA
供應多款即煮意粉，最搶眼嘅莫過於場內有大大個 24 個月帕爾馬 DOP 半融芝士輪「坐鎮」，師傅會將意粉倒入去撈勻，齋睇都覺吸引！
巴馬臣芝士黑松露意粉 $78
估唔到呢個放入原個 24 個月帕爾馬 DOP 半融芝士輪炒嘅意粉，仲要加埋黑松露醬調味竟然 $100 有找！食落帶濃濃嘅芝士鹹香，好惹味。
HK ROTISSERIE
香港嘅 Foodcourt 點可以無本土味？呢個美食站就大賣港式燒味、海南雞飯、黑椒燒鴨等。
黯然銷魂飯 $42
叉燒喺店內新鮮即燒，又香又腍滑，加埋煎太陽蛋同秘製豉油，話咁快就可以 KO 到成碗飯！
【聖誕去邊】
北海道「白い恋人公園」搬咗嚟香港？！
HONG KONG DAILY
出品似足香港人大愛嘅茶記，有番茄牛肉通粉、絲襪奶茶、菠蘿油，超厚蛋治等等，另外仲有融入咗新派元素嘅傳統菜式。
慢煮叉燒配龍蝦湯意粉 $38 (早餐時段)、$48 (其他時段)
叉燒經過慢煮，質感腍滑，龍蝦湯濃郁 creamy，配掛湯意粉好夾！加埋炒滑蛋、多士同飲品都不過 $38 / $48，好抵食！
BAKE IT UP!
TREATS 同人氣麵包店 Paper Stone Bakery 嘅聯乘作，賣多款以傳統手藝製作嘅純手工歐陸式麵包。
石板熱壓芝士三文治
最注目一定係呢度嘅石板熱壓芝士三文治，即叫即製，夾咗幾重芝士嘅包外面仲加咗一層脆卜卜芝士，拉開有令一眾芝士控 crazy 拉絲效果，cheesey 邪惡熱辣辣！仲有多款餡料選擇㖭。
CHACHA ROOM（茶茶居）
主打精緻點心嘅年輕休閒茶居，餐具佈置極富香港地道感覺，亮點係可以見到大廚們喺開放式廚房內即席製作沙河粉同手拉腸粉！
滑蛋鮮蝦腸 $28/2 條
即席製作，腸粉口感彈滑，炒蛋嫩滑，蝦仁鮮甜。
自樂套餐 $78
想試多幾款嘢食，但又得一個人？唔緊要，點呢個一人前嘅自樂套餐就啱晒，可以一次過試齊 4 款點心，另有油菜，仲可食到招牌嘅沙河粉！
【聖誕去處】
任食糖果屋！現身赤柱聖誕市集
MINH & KOK
主打泰越街頭麵食同小吃嘅 MINH & KOK 喺 2014 於銅鑼灣名店坊開業，今次來到 TREATS 開第一間分店，有近 90 個座位，仲推出咗本店限定嘅菜式。
豬肉船麵湯米粉 $68
其中一款本店限定嘅菜式係船麵湯米粉，湯底用大量豬骨同十幾款香料如南薑、斑蘭葉等熬足 6 個鐘而成，超幼身嘅泰國米粉吸晒湯嘅精華，配埋用脢頭肉做嘅叉燒，好味。
越式蛋咖啡 $28（熱）、$32 （凍）
另一款本店限定嘅菜式係越式蛋咖啡，喺咖啡上加入以蛋黃、煉奶同氮氣打成嘅泡沫，再輕輕炙過，飲落濃滑，凍飲版仲有少少似 crème brulee，風味大不同。
食飽飽，仲可以喺度 Shopping！買咩？原來 TREATS 引進咗兩個人氣本地生活品牌，其中一個係香港家具及室內設計品牌 OUT OF STOCK，店內擺滿咗富有獨特現代元素嘅傳統北歐風格傢具，可隨意試坐，睇中仲可買走。
至於另一間就係 BACKERS，挑選咗來自 KICKSTARTER 同世界各地集資平台各式各樣有關美食家居小物，Memobottle 超薄水樽、羊角杯、可食用餐具等等嘅創意物品呢度都有得賣。
TREATS
地址：太古城太古城道 18 號 2/F,255 舖
電話：2832 5110
營業時間：8am-10pm
文：amy 攝：mark
【飲食激鬥】
4 大名店抹茶雪糕 邊間最正？
【放題精選】
人氣韓燒店 $168 任食烤豬
【得意小食】
日賣 400隻！惹味 Shake Shake 雞翼
歡迎你 like 我哋 U Food Facebook Page / U Food Instagram ，取得我哋更新更快嘅資訊！
