「80後」農夫飲食自白

飲食自白

陸永：「我鍾意享受食物，試過一個人到中菜館食飯，都叫成四、五個小菜，然後慢慢歎，平時亦喜歡捐窿捐罅搵食。工作忙嘅時候，就更鍾意食好嘢。」

陸永心水 住家風味菖蒲亭

菖蒲亭是間家庭式的日本食店，老闆兼大廚內山幸夫先生曾於日本高級壽司店「勘八」擔任廚師，亦跟壽司名店松島的松島龍彥師傅系出同門，背景絕對夠架勢。「此店是朋友介紹才認識，結果一試愛上。店內有多種住家料理，如玉子燒這些日本媽媽做給小朋友吃的菜式，每款都好有地道風味。它的玉子燒夠厚夠滑，吃起來唔會『實得得』，每次我都會 order ！另外，它的串燒都燒得剛剛好，入口好 juicy。至於鮮味十足的刺身及精緻的壽司就不用多說，每次都會吃上好幾碟。」

菖蒲亭
地址：鰂魚涌芬尼街 26-28 號海暉大廈 G & H 舖
電話：2562 9600

飲食自白

C君：「朋友個個話我麻煩，好多時係即興想到就去食，譬如話今晚想打邊爐，就一定要 call 齊朋友去各區買出名的邊爐料。更試過工餘時抽了半小時，同陸永食海鮮食咗成千蚊！」

C君心水 蛇王二保暖套餐

蛇王二是銅鑼灣的老字號食蛇專家，小小店子去年還成為米芝蓮推介食店之一， C 君時不時都喜歡在這裏打躉。這裏的菊花五蛇羹出名用料足，以飯鏟頭、金腳帶、過樹榕、三索綫及百花蛇等五種蛇及其他材料煮成，湯羹不會太過稠身，一到冬天，C 君行過附近都要叫碗食。「每次想食蛇羹都會來呢度，佢哋蛇羹有好多蛇肉，冬天食一碗保暖一流！最抵食是佢哋個蛇羹套餐，80幾蚊就有一碗蛇羹、油菜及膶腸飯，蛇羹有蛇味，膶腸皮脆又夠油，是冬天至正的保暖套餐，鍾意食蛇的朋友一定要試。」

蛇王二
地址：銅鑼灣波斯富街 24 號地下
電話：2831 0163

(原文摘自《U Magazine》文：Joey、

圖：Chow、Flex、Kwan Yiu Cheung、Kee、May Ching、LamLam)