單係它由 19 世紀中建成的英軍軍火庫改建、配迴旋階梯型吊燈、銅製鋼筋裝飾及銅製富科幻味的酒吧牆壁，晚上亮起燈，分分鐘靚過你 Darling，我以雌性動物的身份講，10 個雌性動物 11 個會覺得你有品味。
骨子裏浪漫的貴雄師傅，五道菜的情人節餐當然有細心安排，將最 Luxury、最刁鑽的食材放到套餐裏，頭盤他選了加拿大活龍蝦做「第一印象」，單係龍蝦已經用果皮醃了 24 小時，還要配平日很少吃到的琉璃苣醬；意粉看似簡單但爆炸性地好味，麵條顏色澄黃，還特意用加了原枝呍呢嗱煮的蜆湯入味，配上冷門的耶路撒冷鮮薊，它比一般的雅枝竹更名貴；再來男士甚 Like 的風乾牛扒，最後當然少不了心形的拿破崙，愛情同肚子的感覺都好飽滿。溫馨提示一下，呢度座位只有 56 個，只可招待 28 對情侶，仲望？嗱嗱聲去打電話訂枱啦！
AMMO
地址：金鐘正義道 9 號
電話：2537 9888
華麗意菜
沐浴在愛河的 Francesco 最想客人食咗佢呢餐後個個一雙一對，所以情人餐設計有好多 Details 位，好像分量，4 道菜就剛剛好，絕對不容許你餐後抱住自己個肚而唔係你情人。廚師歷任星級餐廳，主打西西里特色菜，這裏大量選用西西里食材，簡單如一個檸檬，也用 Amalfi 種，還有 Nero D'avola 紅酒及 Pachino 番茄，橄欖也來自知名的 Taggiasche 產區，全部有名有姓。
做的意大利菜又比一般再精緻一點，普通如一道芝士意大利雲吞，皮自家製，又將水牛芝士變成更軟更清香的 Burrata 芝士，連配雲吞的一小勺番茄醬也是用 5 個 Pachino 番茄收乾做出來，真係係佢先諗到；揀主菜先難過作母親的抉擇，魚那款配了個超香的醬汁，和牛臉頰那款上枱紅酒和薯蓉香到隔咗三張枱都聞到，所以梗係一人揀 一款，然後我餵你、你餵我啦，就唔會有選擇困難。
你知啦，這個世代好多 Amor Secerto﹙地下情侶﹚㗎嘛！這裏遠離旺區但又對住個無敵海景，食住飯隨時來個愛的抱抱都唔會咁易撞到 熟人。
Messina
地址： 紅磡環海街 11 號海名軒 5 樓
電話：3746 2733
(原文摘自《U Magazine》文：sieg、圖：Ken、Lamlam、Paul、May、Kee)
