呠呠！黃巴士小食店am.pm駕到油麻地，店子以美國黃色校車作參考，設計成美食車一樣，吸引不少途人注目。
小食店主打梳乎厘班戟、雞蛋仔和格仔餅。人氣的梳乎厘班戟（$28）即叫叫製，客人柯打便將粉漿唧上鐵板上煎焗而成，製作需時最少5分鐘。兩面煎到金黃色，加上楓糖漿、糖霜和忌廉。班戟外軟內熟，入口即溶，吃下十分輕盈，味道不太甜，但蛋香味不太濃。加$10可加配軟雪糕。
雞蛋仔有5款口味，包括原味、芝士、朱古力、綠茶及黑芝麻味。芝士雞蛋仔 ($20)原味蛋漿，加上滿滿水牛芝士碎，非常重手。雞蛋仔外脆內軟，有微微芝士鹹香。
另有格仔餅，同樣有多款口味，如芝士、綠茶紅豆、士多啤梨等選擇。限量綠茶紅豆格仔餅 ($25)，格仔餅厚身大件，充滿粒粒紅豆，非常飽肚，但茶味不太突出。
am.pm
地點:油麻地彌敦道560號譽發廣場地下B鋪
開放時間:12nn-10pm
電話:2725-4318
