近期天氣酷熱,出街大汗疊細汗非常辛苦,怕熱不想出街的話,可以留在家中自製消暑食品,有得玩又有得食,夠哂清涼!今次小編就分別試用Sanrio刨冰機/流水麵機及Minions沙冰杯,即睇效果如何!
蛋黃哥/布甸狗刨冰機($298)
刨冰機入面有一塊小刀片,將冰塊放入刨冰機後蓋好,然後用人手攪動就能製出刨冰,不需要入電池。
加上自己喜歡的配料及果汁就有一杯冰涼清甜的刨冰!
玉桂狗流水麵機($268)
首先煮好麵條,預備冷麵汁、蔥花等配料。然後將凍水倒入流水麵機,想更清涼的話可以加小量細冰塊,再將麵條放入流水麵機,按下開關後麵條就會轉動起來,模擬日本的流水麵。
將麵條夾起後加入冷麵汁、蔥花,就能食到自製的日式流水麵。雖然不能媲美日本正宗的流水麵,不過和好友聚會,邊玩邊食小型流水麵都不錯。
Minions Ice Mug ($148)
先將冰、水、及鹽加入杯中,上層再倒入飲品。
蓋實後就可以開始搖晃沙冰杯!
搖2~3分鐘就食得!都算幾快,而且唔需要事先冷藏沙冰杯,比雪糕機方便!
可惜份量較少,一人食都唔太夠喉,勝在可以自己選擇飲品,利賓納、可樂或橙汁都無問題。
購買地點:JCshop(觀塘道418號創紀之城第五期APM 1樓L123號舖)