香港人一年四季都鍾意打邊爐，踏入冬天後，大家聚會地點首選就一定是火鍋店。2017年下半年有不少過江龍麻辣火鍋，各有特色，貪新鮮的嗜辣者可以試試「酒鍋」新出的4格鍋底，一次可以食勻4種不同風味的辣湯。
冬日限定「四國辣妹」湯底($328)，賣相吸引，未食已經聞到十分重口味。
「四川麻辣」湯底較為常見，鮮紅辣湯佈滿辣椒，鍋內豆卜十分吸湯，辣度爆錶。
「港式酸辣湯」有豬腩肉及酸菜，唔好見到「港式」就以為唔辣，其實一樣咁濃味。
「印度炸雞辣湯」內有不少雞件及薯仔，不過就未見「炸雞」，味道相對較為溫和，但仍有一定辣度，可以先試這一格打打底。
「墨西哥青椒牛腩辣湯」有蕃茄香味，牛腩份量不少，有辣味不過唔算太刺激，辣感較快散。
嫌唔夠重口味可加配流心麻辣墨魚丸($88/6粒)/魔鬼豬肉餃($88/6隻)，墨魚丸由新鮮墨魚打成，中間注入辣椒醬，不過流心效果就不太明顯。魔鬼豬肉餃以不同國家的辣椒及豬肉作餡料，味道相當辣。
單點配料方面，推薦即炸手工紫菜嚮鈴卷($58)及掛架頂級安格斯牛頸脊($188/$238)。
醬料費$22/位
酒鍋
地址: 尖沙咀天文台道8號2樓1號舖｜銅鑼灣登龍街18號V Point 27樓
