【觀塘好去處】貓奴放假又有好去處啦！觀塘有間樓上文青風貓Cafe「貓里 Simp.lane」，場內有2隻可愛貓店長，Cafe主打台式便當及生酮友好的低糖低碳菜式，當中包括鹽酥大雞髀便當、厚切牛脷翠玉瓜麵、牛角包窩夫及麻糬卷蛋等，大家不妨約埋朋友一齊去參見貓主子啦！
同場加映：簡單3步菜式！邪惡拉絲韓式芝士辣炒雞
Cafe裝潢以簡約木系色調為主，環境寬敞闊落，貓奴上到來可以一邊摸貓，一邊嘆低糖低碳的美食。另外更設有專為貓貓而設的玩樂區，貓奴可以隔着玻璃觀賞貓店長在貓爬架跳上跳落。
場內有2隻可愛貓店長，一隻是體型較大又熱情的緬因貓，另一隻則是性格好動可愛的暹羅貓。貓貓更會主動走到客人旁邊撒嬌，大家可以跟貓貓近距離接觸。
Cafe提供多款台式便當及生酮友好的低糖低碳菜式，包括鹽酥大雞髀便當($68)、東坡肉便當($55)、厚切牛脷配翠玉瓜麵($88)等。低糖低碳餐單除了可以配搭翠玉瓜麵外，還可選擇配搭椰菜花飯、西蘭花、蒟弱烏冬等，適合生酮飲食的朋友食用。另外還可以試試多款生酮友好的串燒，例如雞翼串($18)、煙肉秋葵卷($20)、厚切牛脷($25)、牛柳粒($25)及鹽燒蝦串($18)等。
甜品方面，Cafe提供多款牛角包窩夫及卷蛋，包括芋泥肉鬆牛角包窩夫($38)、芒果醬牛角包窩夫($38)及朱古力牛角包窩夫($38)等；卷蛋則有分普通卷蛋及生酮卷蛋，口味包括伯爵茶、抹茶麻糬、朱古力麻糬及焙茶等。生酮卷蛋與普通卷蛋味道分別不大，忌廉口感滑溜，再配搭煙韌軟糯麻糬，更添滋味！
按圖睇Menu：
* 為了貓貓著想，請客人在店內保持聲量克制，亦不能使用閃光燈拍照，以免貓貓受驚。為確保衛生，跟貓貓接觸前需消毒雙手。
貓里 Simp.lane
地址：觀塘駿業里6號富利工業大廈11樓C
電話：62657058
營業時間：星期一至五11am-3pm, 6pm-9:30pm；星期日 11am~6pm；星期六休息
圖片來源：IG@catlanehk、IG@_melody_foodaholic、IG@cooking_pineapple、IG@roo_yc
