葵涌廣場小店「So doughlicious」主打爆餡冬甩、 三文治以及炸物小食，全部即叫即整，冬甩有邪惡Nutella、吉士、伯爵茶等六款口味，外脆內爆漿，好吸引！最近更推出四款限定港式口味：奶醬、奶油、油占、占醬口味，超級邪惡啊~
同場加映：【簡易廚房】最新影片
Click圖睇價錢+口味：
爆餡冬甩（$28）有六種口味選擇：Nutella、吉士、咖啡、伯爵茶、士多啤梨以及檸檬；冬甩topping可以選擇普通砂糖或肉桂糖。由於即叫即製，需要約10分鐘等候時間，到手時熱辣辣又鬆軟，咬開有爆漿效果！
期間限定四款港式口味（$32/個；$110/4個），分別有：奶醬（煉奶+花生醬）、占醬（果醬+花生醬）、奶油（煉奶+奶油）以及油占（奶油+果醬），小編私心推薦奶油口味，成塊牛油超級邪惡！
三文治是店鋪另一主打，全部大大份，長度約有前臂咁長，夠曬飽肚！費城牛肉芝士三文治（$65）以香脆法包夾著西冷薄片、甜椒、洋葱和芝士特配醬汁；手撕豬三文治（$60）則是以惹味燒烤醬手撕豬肉搭配蔬菜沙律；喜歡偏甜口味的朋友可以試試古巴三文治（$55），用上蜜糖火腿、手撕豬肉和芝士。
另外也有數款炸物選擇，同樣是即叫即炸。神級炸蘑菇（$45）將大啡菇切片再炸，外脆內Juicy，搭配松露醬更惹味。炸芝士條（$30/4件）和一口薯仔波（$38/12件）都好邪惡。
So doughlicious
地址：葵涌廣場3樓T29號舖
營業時間：星期一至日12:00-21:00
Instagram：so_doughlicioushk
圖片來源：IG@poorjjfoodie，@joeie_foodie，@so_doughlicioushk
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
