食車仔麵你通常會點什麼餸菜？雞翼、豬紅、蘿蔔等都是常見選擇，但其實車仔麵都可以有另類新食法！旺角有泰式餐廳將泰國菜元素加入車仔麵中，由湯底、配料到麵食都充滿泰式風味，香濃惹味。麵食可免費加底，又有甜品送，性價比很高呢～
泰式車仔麵包3款配料，多達23款餸菜任選，如香辣肉片、魚餅、牛筋丸等，大部分都是從泰國入口。
麵食同樣來自泰國，有寬河粉、金邊粉、檬粉、粉絲、MAMA麵，可免費加底一次（只限同一款麵底）。
湯底每日新鮮熬製，濃郁入味，共有4款選擇，分別是招牌冬蔭功湯、青咖哩雞湯、椰奶烏雞湯和泰式甜蕃茄湯。
招牌冬蔭功湯（$68）以海中蝦、青檸、香茅、檸檬葉、南薑等熬成，不太辣，適合港人口味。
泰國臘腸好特別。
泰式香辣肉片
清邁青咖哩雞湯（$52）有鮮雞件、豆角等，微辣有奶香。
牛柏葉
牛丸
椰奶烏雞湯（$60）用上竹絲烏雞、椰子肉、花奶等熬煮，啖啖椰香味，好香甜。
豬皮扎肉
泰式甜蕃茄湯（$52）加入大量新鮮蕃茄、車厘茄還有豬筒骨，再以魚露、金不換、南薑等調味，酸甜開胃。
魚餅
客人可加錢追加配料（每款$8-$10），如泰國青口、美國肥牛片、豬肉片等。
麵條吸盡湯底精華，好惹味。
加配小食都只需$6，有泰式鳳爪、泰式拼盤、扎肉沙律和青瓜沙律。
食飽仲送一款泰式甜品，有香芋／班蘭玫瑰水晶糕、黑糖／班蘭千層糕、椰汁西米糕、椰汁班蘭大菜糕、肉鬆／果仁米通，款式每日不同。
珍多冰、鹹檸七、泰式奶茶、龍眼冰 （加配價 $10）
此外餐廳晚市的兩小時的任飲任食火鍋新推出魚肚蜆肉美顏湯，有沙白蜆、菠蘿、魚肚等，味道鮮甜。
火鍋放題另有多款熟食、沙律和甜品可任食，包括冬蔭功烏頭、馬沙文咖喱牛腩、蝦片、芒果糯米飯、榴蓮慕絲蛋糕等，款式每日隨機供應，選擇豐富。
火鍋放題可任飲罐裝飲品。
凡惠顧泰式車仔麵或火鍋放題更送水樽連水樽套，餐廳遲啲更會推出送泰國機票和住宿的優惠，好吸引！
愛食泰國菜的朋友以後又多個新選擇啦～
泰式車仔麵供應時段：星期一至日 12nn - 3pm
2小時泰式湯底火鍋+任食火鍋自助放題
晚市5pm - 12pm $198 （另收加一服務費）
＊7:30pm前離座／9:30pm後入座 $178 （另收加一服務費）
泰邊爐
地址：旺角彌敦道628號瓊華中心9樓
營業時間：星期一至日 12nn - 12pm
電話：2367 8876 / 9171 5655 （WhatsApp)
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
