講到食日本菜，大家一定係追求新鮮食材！除此之外，要突圍而出一定要花啲心思，紅磡都會海逸酒店入面嘅千鶴日本料理，就以糅合傳統烹調方法同驚喜創意為特點吸引食客，以下就逐一同大家睇吓有咩推介～
千鶴日本料理一向以用料講究為賣點，為大家帶來最時令嘅新鮮食材入饌，享受高級日本料理嘅滋味，糅合傳統日式烹調藝術同現代創意，製作出一道道特色佳餚。
首推鐵板燒美國牛肉薄燒，將美國牛肉切成薄片，輕輕放喺150度中溫嘅鐵板上，然後快速用薄牛肉卷好預先炒香咗嘅蒜蓉同蔥花，令材料香氣更能夠分怖牛肉上面，兩者融合，非常匹配。
若然覺得美國牛肉薄燒口感不夠豐富， 精選A5級鹿兒島日本和牛厚燒可以滿足到你，牛肉肉質細嫩，肉味濃香但唔膩，燒過之後帶有焦香。
西京燒銀鱈魚以麵豉醃製3日，再用慢火燒香，脆卜卜魚皮包住香滑銀鱈魚，滲出陣陣麵豉醬幽香，令人回味難忘。
係咪冇諗過日本菜都可以食到一口鵝肝多士呢？先用慢火將鵝肝煎到兩面香脆可口，放係金黃色多士上，最後淋上自家製微甜嘅鵝肝汁，突出鵝肝味道。加上一片清新的青蘋果作點綴，中和鵝肝嘅重口味。
日本料理點少得要有天婦羅，佢地選用新鮮花竹蝦，以170度滾油炸脆，蝦肉爽口，再配以自家製昭和炸醬，食起上來味道更加豐富。
其他美饌包括鐵板燒帶子、海膽壽司、時令刺身、味醂魚干、蟹籽沙律、一口和牛串燒等，款款滋味無窮。
想要私人空間談天說地都冇問題，因為果度設有兩間獨立貴賓房，仲有卡拉OK等娛樂設施，滿足到大家唔同方面嘅快樂，加上裝潢格調優雅，感覺舒適，絕對係個好地方比大家歡樂暢聚！
千鶴日本料理
地址：紅磡都會道7號都會海逸酒店8樓（港鐵紅磡站C2出口）
電話︰3160 6898
訂座電郵︰senzuru@harbour-plaza.com
營業時間：12nn-10:30pm
資料由客戶提供
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
