旺角無麵不歡50分鐘小食放題 四川成都酸辣麵加$38任食十款小食!

發佈: 2019.06.06
文: Kylie

召集大胃王!旺角「無麵不歡 」主打各款四川成都酸辣麵,有柳州螺螄粉、順德卜卜蜆花甲粉等招牌麵食,款款都大份足料。麵店新推出超值50分鐘小食放題,只要惠顧一碗麵和一杯飲品,即可加$38任食十款惹味小食,包括乾拌麻辣雞、蒜香B仔雞翼、麻辣豬爽肚、香煎蛋餃等,優惠全日適用。大家快約朋友一齊食酸辣麵,試勻咁多款小食啦~

「無麵不歡 」50分鐘小食放題優惠日期:即日起至8月31日

柳州螺螄粉 ($48)
以雞湯和豬骨湯煮成,加入螺仔肉、廣東酸辣荀、酸豆角。米粉較一般米線粗身,有咬口。

順德卜卜蜆花甲粉絲 ($62)
雞骨濃湯加入新鮮蜆和花甲煮成,還有粟米、香蒜,味道鮮甜。

東北土豆粉 ($38)
土豆粉像烏冬一樣滑捊捊。

只要單點一碗麵店(非套餐)和飲品,就可加優惠價$38任食十款小食,包括乾拌麻辣雞、蒜香B仔雞翼、麻辣豬爽肚、香煎蛋餃、湖南黑臭豆腐、紅油木耳、拍青瓜、爆菊花辣魚蛋、椒鹽鍋巴土豆、煉奶黃金炸饅頭。

香煎蛋餃
蛋餃都是即叫即煎,餡料有馬蹄、芹粒、豬肉等。

「無麵不歡 」50分鐘小食放題優惠日期:即日起至8月31日

【旺角美食2019】旺角無麵不歡50分鐘小食放題 四川成都酸辣麵加$38任食十款小食!

無麵不歡 - 中華私房粉麵 Noodleholic
地址:旺角通菜街1A -1L號威達商業大廈地下M號舖
營業時間:星期一至日 12pm - 11pm
電話:6768 8854

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more