爭鮮壽司今個秋季將會推出多款新產品,有秋季限定外帶壽司同$16迷你丼系列,另外爭鮮壽司更會舉辦十週年創意料理爭霸戰,勝出者更可獲奬金,各位鍾意食爭鮮的朋友唔好錯過喇!
爭鮮迴轉壽司今個9月及10月會推出5款迷你丼,全部一律$16,有三文魚親子丼(9月)、三文魚腩丼(9月)、雙鮮貝之丼(9&10月)、蒲燒鰻魚丼(10月)、牛油果雙色丼(10月)。
9月至10月期間,於爭鮮迴轉消費5次,每次消費$100或以上,憑單據登記並回答簡單問題,即有機會得到一套5件的迷你丼手工黏土磁石,名額150份。
而爭鮮外帶則會推出「秋旬之味」系列,3款全新產品登場,包括極之戀($48)、魚籽松葉蟹丼($36)及松葉蟹卷($24),9月8日起於全港爭鮮外帶有售。
另外爭鮮壽司為慶祝進駐香港十周年,將於12月7日舉辦「創意料理爭霸戰」,比賽以一口輕食日式料理為題,設冠亞季軍三個獎項,可獲豐富奬金,截止報名日期為2019年10月13日。