【素食自助餐】全港素食自助餐3大推介 最平$48/精美素壽司/任食火鍋/農曆新年菜式

全港素食自助餐3大推介 最平$48/精美素壽司/任食火鍋/農曆新年菜式

發佈: 2020.01.09
文: Rachel Cheung

踏入2020年想食得健康一點?不妨試試素食自助餐啦!以下有3間不同類型的素食自助餐:有創新農曆新年主題自助餐;主打特色素壽司自助餐;有任食素火鍋,而且當中最平$48就食到!有興趣的朋友要留意啦~

1. 走肉.朋友

人氣素食餐廳「走肉.朋友」不時會搞搞新意思,繼之前推出過的港式、台式、日式主題的素食之後,餐廳即將推出全新農曆新年主題自助晚餐,有當紅炸子雞、帶子蒸豆腐、海參、鮑魚片、龍蝦意粉等多款素食中菜!新一年想食素的朋友要留意啦~

特色美食還有北京燒鴨pizza、芋香蕃薯球、煎釀三寶、串燒三寶、鎮江骨、羅漢素翅、四川木薯粉等等。甜品有甜蜜蜜蛋散,蛋散炸到好鬆脆,味道香甜!亦有香滑豆腐花、焦糖冰花燉蛋等等。

地址+詳細資料:

 

2. 素一

位於銅鑼灣的「素一 Veggie One」於3月底開幕,其自助餐每日提供超過60款中日西素食、甜品及飲品,餐廳更有駐場壽司師傅,即場製作多款精美素壽司,壽司賣相精美又像真,大家不妨試試啦!

餐廳有多款素壽司,如有芒果花之戀、親子花之戀、乾果壽司等,素壽司造型像真,沾豉油食落都幾似真壽司!除了日式素壽司之外,餐廳也有多款中、西式熟食及炸物。

地址+詳細資料:

 

3. 素街

觀塘一間素食自助餐餐廳「素街」,主打香港懷舊街頭美食,包括有如白糖/黃糖糕、蝦多士、碗仔翅、腸粉、麵包布甸等等,而且最平$48就食到!最近餐廳更推出任食素食火鍋,客人可於晚市另加$28就可以打邊爐,適合現時涼涼的天氣~

餐廳有4款湯底供選擇,包括有南瓜黑松露湯、果香清湯、胡椒豬肚湯及養生湯,款款都好足料。至於火鍋料有素丸、素蝦、響鈴、雞蛋等多款蔬菜。

地址+詳細資料:

↓↓農心微辣口味安城湯麵↓↓

最啱唔太食得辣的朋友!


↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

推介最Hit飲食優惠
U Food
《識食優惠》
叫外賣前必睇! 立即用

為您推介最Hit飲食優惠
U Food
《識食優惠》
叫外賣前必睇! 立即用

more