平民川菜餐廳「川婆婆」新分店銅鑼灣開業!$42三餸麻辣燙/手撕雞/酸菜魚

發佈: 2020.11.20
文: 談允希

「川婆婆」近期新開銅鑼灣分店,主打抵食平民川菜料理,包括地道麻辣燙、水煮魚、手撕雞等等。川婆婆銅鑼灣店有別於其他外賣小食店,提供堂食,大約有20-25個座位,店舖招牌麻辣燙,$42就食到三個餸加麵底。除了麻辣湯底,還有藥膳雞湯選擇,Click入下圖睇睇Menu:

店舖招牌麻辣燙,$42就食到三個餸+麵底,好抵食!麻辣燙湯底每日新鮮熬製,用上22款香料秘製而成,濃郁惹味 。客人可自選喜愛的配料及粉麵,種類多達50多款,十分豐富。推介牛黃喉,口感爽脆,適口氣血虛弱人士食用。除了麻辣湯底,還有藥膳雞湯選擇,味道清甜帶藥膳香,有助養生暖身。

干撈蒜香火鍋粉($36),正宗重慶四川火鍋粉比一般紅薯粉更寬厚,口感彈牙煙韌,十分掛汁。

除了麻辣燙外,小店亦主打酸菜、水煮、番茄系列等,配上不同食材,更有芽菜、海帶、娃娃菜、蓮藕,好足料,送飯一流!

酸菜魚($68),採用用三種酸菜為底料,不會太重口味太油膩。新鮮魚肉咬落無骨,肉質嫩滑。

番茄鹿兒島黑豚五花肉($88),肥瘦適中。

手撕雞涼麵 ($48),用上清遠雞製作,肉嫩重雞味。

蒜泥安格斯牛肉($78),面層鋪滿蒜泥,蒜味重,辣得惹味!

還有川婆婆自家出品的冷泡茶,有桂花綠茶、荔枝伯爵紅茶、金鳳烏龍茶、玫瑰紅茶,有助解辣!

【銅鑼灣美食】平民川菜餐廳「川婆婆」新分店銅鑼灣開業!$42三餸麻辣燙/手撕雞/酸菜魚

川婆婆

地址:銅鑼灣利園山道5號地舖

營業時間:星期一至日10:00 - 22:00

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more