旺角百年唐樓文具主題冰室 設懷舊展覽區!原隻蝦多士/芝士奶蓋紅豆冰等美食

發佈: 2021.05.13

旺角百年唐樓活化而成的商場「上海街618」,商場中有多間特色小店,其中有佔地6000呎的懷舊文具主題冰室「銀の冰室」,冰室結合了文具展覽區「銀の文房具」供客人參觀,展覽區集合多款懷舊文具,裝潢亦好似舊式屋邨的文具店,充滿童年回憶!至於冰室都有多款特色美食,今個週末不妨去行下啦~

文具展覽區「銀の文房具」集合多款懷舊文具,西瓜波、豬仔錢罌、筆盒、卡通水樽通通都有,簡直好似一間充滿本土文化特色的文具歷史博物館,加上復古風裝潢,充滿童年回憶。「銀の文房具」亦設有「文具銀行」,收集有心人士所捐贈的有用文具,再轉贈於有需要人士。

參觀完之後,客人可到旁邊的冰室吃東西,冰室同樣結合了懷舊文具主題,牆上和枱上的玻璃櫥窗都有展示文具珍藏,而且更會每月換一次主題呢!餐廳主張選用時令又健康的食材製作美食,部份食材更是本地自家農作物,例如「紫蘇葉檸檬」飲品($32/熱;$36/凍),紫蘇葉就是由自家農場種植,整體味道清新酸甜。

食物方面推介「哈哈蝦多士」($50),多士用上原隻蝦,食落啖啖肉好足料。至於「焗鮮茄吉列豬扒飯」($70)都好有冰室特色,吉列豬扒炸至香脆又不會乾。主食還有「All Day Breakfast」及「脆皮春雞半隻配薯條」($78),春雞皮脆肉嫩,而且份量十足!

小食推介「合桃香蕉香脆牛角酥窩夫」($62)及「日本雞蛋沙律火腿牛角酥」($43),牛角酥由法國製造,食落充滿牛油香。飲品亦有特色「芝士奶蓋紅豆冰」($30)及「檸樂」($26),點擊下圖睇menu啦:

銀の冰室

地址:九龍旺角上海街618號3樓301A及302室

營業時間:星期日至四 12:00 - 21:00;星期五及六 12:00 - 22:00

聯絡電話:3468 2433

詳細資料:FB@銀の冰室 Silver Cafe

↓【限時搶⚡】日清盈優青汁套裝!↓

↓ 日本製造 / 清爽蘋果味、濃厚白桃味 / 有助維持腸道及皮膚健康!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more