【海防道熟食中心】尖沙咀海防道熟食中心必試美食精選!沙嗲牛西多/香滑瓦煲奶茶/秘製豬扒包

尖沙咀海防道熟食中心必試美食精選!沙嗲牛西多/香滑瓦煲奶茶/秘製豬扒包

發佈: 2021.07.22
文: Rachel Cheung

【海防道熟食中心】講到香港地道的平民美食,當然要去茶記老字號集中區:尖沙咀海防道熟食中心!雖然場內沒有冷氣,但熟食中心於近年翻新得好整潔,環境又更衛生。必試美食推介沙嗲牛西多、沙嗲牛脆脆麵、香滑瓦煲奶茶、秘製豬扒包、雲吞麵等等,款款都好足料,又充滿地道風味。

1. 華香園

這間開業了30年的人氣小店「華香園」,店舖主打秘製豬扒,豬扒大大件又炸到好香口,熱辣辣食更充滿肉汁!想試秘製豬扒除了可以單點、配飯/麵食之外,還有秘製豬扒包(跟餐$38),豬扒同樣好足料。店舖的秘製豬扒通常下午3點至4點便會售罄,想試的朋友要注意啦!

此外,小店的香脆雞中翼都是即叫即製,同樣炸至熱辣辣,好適合配一杯超人氣的「華香園」瓦煲奶茶,瓦煲奶茶即沖即煲,飲落特別香濃。點擊下圖睇menu啦:

華香園

地址:尖沙咀海防道390號熟食檔9號舖

營業時間:06:00 - 17:30
 

2. 佳記

想試沙嗲牛麵的話,可以去這間主打沙嗲牛脆脆麵的「佳記」。店舖將沙嗲牛麵的麵底煎到好脆,配上軟嫩又入味的沙嗲牛肉,口感好豐富!(跟餐$56)

除了沙嗲牛脆脆麵之外,亦推介沙嗲牛西多($36),西多口感好鬆軟,內有沙嗲牛肉夾心餡,再配上糖漿,鹹鹹甜甜好特別!店舖的紅豆冰($20)同樣好足料,夏天飲最適合,點擊下圖睇menu啦:

佳記

地址:尖沙咀海防道390號熟食檔15號舖

營業時間:06:00-17:00

 

3. 鴻記茶檔

而這間開業50年的小店「鴻記茶檔」的雲吞麵($35)和炸雲吞($38)都值得一試,雲吞麵的湯底用上大地魚、豬骨和羅漢果等材料製成,味道鮮甜,至於麵底彈牙,雲吞內餡充滿啖啖蝦肉。

其實店舖最出名是老闆自家製的辣椒油($80/樽),辣椒油夠曬辣之餘,亦充滿乾瑤柱等材料帶出的香味,各位嚐辣愛好者吃雲吞麵時,記得配辣椒油呀!小店還有賣復古樽裝維他奶呢($12),點擊下圖睇menu啦:

鴻記茶檔

地址:尖沙咀海防道390號熟食中心CF1號舖

營業時間:08:00 - 18:00

【App推薦計劃】賺加碼U Fun換現金券!

↓↓ 立即推薦親友 ↓↓


↓↓備有13種咖啡豆研磨程度選擇!↓↓

↓↓每部價值HK$12,488!↓↓

more