大埔墟熟食中心人氣美食推介!$13籠蝦餃燒賣/超足料花生芝麻糯米糍/炸豬扒

發佈: 2021.06.29

【大埔墟街市】位於大埔墟街市上層的熟食中心集合30多間小店,大部份店舖的食物有質素之餘,價錢都頗便宜,而且更設有冷氣呢!推介好抵吃的點心店,蝦餃燒賣都只賣$13/籠;人氣甜品店熱賣超足料花生芝麻糯米糍;以及上海麵店主打的巨型炸豬扒!有興趣的朋友即睇試食報告啦~

1. 林記點心

這間好抵吃的點心店「林記點心」,店舖提供多款點心及小食,蝦餃、鵪鶉蛋燒賣、叉燒包、奶黃包、牛肉腸、煎堆、蒸飯等等,應有盡有,雖然食物質素不及大型酒樓,但店舖勝在份量十足又抵吃,蝦餃、燒賣都只賣$13/籠,好適合一家大細來飲早茶!點擊下圖睇menu啦:

林記點心

地址:大埔鄉事會街8號大埔墟街市及熟食中心2樓CFS08-09舖

營業時間:03:00 - 14:00

 

2. 滑嘟嘟

大埔超人氣甜品店「滑嘟嘟」,主打自家製客家糯米糍($7/個),糯米糍超爆餡,內有粒粒花生、芝麻及砂糖,十分足料!店舖會先炒好芝麻,並會即日蒸好糯米皮,再開店時即場包好糯米糍,保證新鮮。糯米糍外皮煙韌又軟糯,即使內餡有砂糖,但完全不會甜膩,喜愛吃糯米糍的朋友不妨一試。

「滑嘟嘟」亦有自家製石磨芝麻糊($15)及多芒小丸子($35)等甜品糖水供選擇,芝麻糊濃稠又順滑,充滿芝麻香。至於多芒小丸子的小丸子都是自家人手製,口感煙煙韌韌,夏天吃一流!點擊下圖睇menu啦:

滑嘟嘟

地址:大埔鄉事會街8號大埔墟街市及熟食中心2樓CFS29號舖

營業時間:12:00 - 20:00

 

3. 東記上海麵

至於這間上海麵店「東記上海麵」就有好多街坊推介,店舖主打巨型炸豬扒配上海麵($40),豬扒大大件又充滿肉汁,十分適合喜愛啖啖肉的朋友!至於上海麵麵底頗彈牙又帶點滑溜的口感,值得一試。

東記上海麵

地址:大埔鄉事會街8號大埔墟街市及熟食中心2樓CSF27舖

營業時間:09:30 - 16:30

↓【限時搶⚡】MG Spirit西班牙清新水果酒!↓

↓ 獨特微醺體驗 / 西班牙釀製 / 天然新鮮果汁混合5.5%酒精伏特加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more