日賣100碗滋補客家黃酒雞湯，俘虜中上環一眾OL的「雞功房」，已由上環樓上舖擴張到天后地舖，店內人氣客家黃酒雞湯、海南雞及頭抽醬油雞照樣有得賣，而且推出更多嘴刁菜式，包括頭抽醬油雞蔥油撈麵、黃酒雞湯手打牛肉餅。其中頭抽醬油雞蔥油撈麵設有午餐，包括小食及客家黃酒雞湯，並附送飲品。雞肉入口嫩滑，頭抽醬油味道香濃，難怪成為午市大熱之選。
晚市雖不設訂座，但可以提早預訂晚市限量供應的人氣菜式，如涼拌鮑魚、黃酒煮雞雜等，便可保證入座後能品嘗得到。此外，晚市更設有預訂精品私房菜，專做坊間少見的特製黃酒煮雞、頭抽醬油鮮雞腸、西班牙黑毛豬叉燒、蝦頭油超爽炒麵。雞隻沿用3斤重大隻肉厚的黃油三黃雞，雞雜雞子從街市取新鮮貨，他們亦好有心手切10斤菜脯炒靚辣菜脯供客人撈麵食，細微處都係心機，私房菜的菜單會每月更新並在facebook發佈，有興趣者不妨上網留意最新消息。
頭抽醬油雞蔥油撈麵餐（午市供應）
午餐連小食及客家黃酒雞湯，送飲品。雞皮豉油色亮澤，雞肉嫩滑。配炸香的紅蔥頭、蔥及南薑，下些新鮮蔥與沙薑粉拌勻更香口。
涼拌鮑魚（晚市供應，建議預訂）
新鮮大連鮑魚浸黃酒吸索了酒香，咬下鮮爽彈牙，蒜頭紅椒芫荽涼拌汁幽香微辛。
黃酒煮雞雜（晚市供應，建議預訂）
以新鮮雞雜，包括雞腎、雞肝、雞腸及雞心，入口鮮嫩，以招牌黃酒雞湯煮，吸收了陣陣酒香。
蝦頭油超爽炒麵
幼麵找麵廠特製，加多了高筋粉比例，更彈爽。以蝦頭油炒香，再加入用黃酒爆香的甜爽矮腳芽菜，麵咬落很爽口又不油膩。
海南雞髀飯配客家黃酒雞湯（午市供應）
海南雞是蒸不是浸的，師傅說更能鎖住雞汁，令肉質保持嫩滑。佐以濃稠帶甜的廣祥泰黑醬油及自製的酸甜泰式雞醬。雞油飯下了香茅、蒜頭煲，飯面有炸蒜。
雞功房
地址：天后威非路道6號地下A舖 (查看地圖)
電話：3480 9140
營業時間：11am-9pm
FB：HakkaShop
備註：部分晚市菜式屬限量供應，建議提前預訂。晚市限定私房菜須提前3日預訂。
資料來源：雞功房
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
