香港有不少日本餐廳及過江龍進註，尖沙咀最近有間新開過江龍Omakase 「鮨 央泰」，由東京米芝蓮一星餐廳「銀座いわ」創辦人岩央泰，和他的入室弟子金子司主理，提供午餐及晚餐廚師發辦。鮨 央泰選用優質食材，刺身每日從東京築地、九州、四國、北海道等地新鮮空運到港，而且選用熟成赤身、拖羅。店內以吧枱為主，選用250年和歌山吉野檜木製成，環境優雅舒適，喜歡吃壽司人士不可錯過啦！
Click入去睇menu:
廚師發辦有26道，包括有11道前菜：燕窩茶碗蒸香滑蛋味濃，面層有海量燕窩。石鯛及象拔蚌刺身，石鯛灑上少許柚子皮、青檸汁及岩鹽，味道清新；象拔蚌口感清爽，配上豉油更帶出鮮味。慢煮八爪魚以秘製醬汁及蘿蔔慢煮4小時再浸一晚，八爪魚肉質軟腍新鮮。鰤魚刺身配上即磨山葵卷埋一起食用。
紅酒慢煮鮟鱇魚肝中間位置呈橙色，充滿油脂香味，入口溶化。北海道松葉蟹配上俄羅斯魚子醬、蟹膏及土佐醋凍，味道酸甜清新。花膠海膽天婦羅先煮花膠入味，然後包著海膽炸成，花膠膠質充斥整個口腔！汁煮鮑魚以法國黑松露片配鮑魚肝汁煮青森蝦夷鮑魚，肉質軟彈不韌，鮑魚肝濃郁鮮味不苦澀。火炙關鯖魚肉質軟腍帶點爽口，充滿魚油香。配蘿蔔蘋果蓉及洋蔥，可解油膩感。來自宮城縣塩釜產的熟成10日拖羅，配魚子醬及紫蘇葉，經過熟成令拖羅更嫩滑。
燒物有金鯛立鱗燒配自家製烏魚子，魚鱗炸至超香脆，魚肉入口即化。
壽司一共有10貫，包括有炙燒右口魚裙邊壽司，右口魚裙邊經過火炙魚油爆發。針魚壽司口感爽彈，面層有蔥蓉更加清新。北寄貝壽司鮮甜彈牙。醬油漬赤身壽司熟成更軟嫩。大拖羅壽司雪花分布呈雲石圖案，放入口即化。魚肉位置屬於大拖羅及中拖羅中間，魚油充斥即個口腔，喜歡吃油香的朋友絕對是爆油系列，喜歡的朋友不可錯過！
炙燒金目鯛壽司充滿炭烤香味，肉質軟腍。車海老壽司蝦身超大隻，肉質爽彈而且充滿蝦的鮮甜味。海膽壽司有大量新鮮海膽，鮮味十足。三文魚子飯經過醃製的三文魚子，口感清新。海鰻壽司大大件海鰻，肉質鬆軟，充滿魚香。
最後有卷物、玉子燒、赤味噌湯及水果。卷物由三款熟成拖羅蓉製成，混合黃蘿蔔、大葉及芝麻，口感豐富而且滿足。玉子燒使用江戶前做法，海鮮汁煮蛋漿，口感似蛋糕而且充滿空氣感。赤味噌湯加入不少蝦的部位熬成湯頭，鮮味十足。水果以靜岡蜜瓜作結尾，爽甜多汁。
廚師發辦另有24道選擇，前菜會因應季節供應不斷更換。因疫情關係，餐廳下午4時至6時以優惠價$2180可享用26道廚師發辦，想試的朋友記得預約呀。
鮨 央泰
地址：尖沙咀廣東道 3-27 號海港城港威商場地下 G111 號舖
電話：2383 3366
