text│TY
這間食材店最啱懶人買餸包、湯包、炸美食，慳水慳力已可輕易煮餐好！全場最抵買必數即食餸包，他們與中型連鎖日式餐廳合作，無加防腐及味精，款式味道經多次試味改良，製作認真只賣 $100 四包，好實惠。餸包連袋放入熱水中煮十多分鐘，拆袋就食得！菜式有 15 款如花生豬手、柱候牛腩、東坡肉、孜然鴨髀、鎮江骨、紅燒獅子頭、滋補鴨湯等。超推 介冬瓜鴨腿湯和蟲草花鴨腿湯，以雞、鴨及藥材熬煮近 4 小時，再加入輕輕燒過的鴨腿煮，讓湯頭更香濃，每包夠二人用、有兩大件鴨髀肉，$25 真係抵到爛！
他們更向本地酒樓點心供應商入貨，一系列手造點心，有生炒糯米飯、小籠包、牛肉球、香菇豬肉燒賣、雞扎等，翻熱就食得。熱賣產品仲有氣炸版法國香草蒜香春雞、金湯酸菜魚、肉鬆粢飯等。想瘋狂入貨記住帶埋「戰車」來掃貨！
Delifrance 法國急凍 Bagel $36 四件
Delifrance 法國急凍 Bagel $36 四件
這款商用版 bagel 很多酒店也選用，有芝麻和原味，氣炸 5 分鐘後，口感鬆脆富麵粉香。
法國香草蒜香春雞（半隻） $36
法國香草蒜香春雞（半隻） $36
春雞氣炸就食得，出爐後皮脆肉嫩，肉汁豐富，帶幽幽香草和蒜香，與餐廳出品有 8 成相似！
金湯酸菜魚 $64
金湯酸菜魚 $64
按指示將獨立包裝的湯和魚片煮 10 分鐘，一碗熱辣辣的酸湯魚就搞掂！包裝酸菜魚不少都有化學酸味，估唔到這款酸味天然，湯底飲落順喉，更採用水準不俗的黑魚片，分量多又軟嫩。
MEAT ZERO 植物肉醬 $14
MEAT ZERO 植物肉醬 $14
泰國出品的素食肉醬，有番茄和羅勒 2 種口味，炒 3 分鐘就食得，配意粉食一流，羅勒味有驚喜，微辣開胃。
餸包系列
即食餸包多達 15 款，連袋加熱勁方便！花生豬手燜煮 3 小時，食落好入味，更有滿滿膠質。柱候牛腩選用美國黑安格斯牛，包括牛頸脊、封門柳、西冷、牛板腱等部位，軟腍有牛味。
冬瓜鴨腿湯 $100 四包
懶人湯包比坊間湯水店平足一半！質素無將貨就價，湯底用雞、鴨及藥材熬足 4 小時，味道清潤，仲有原隻鴨腿肉，超好味！
懷舊生炒糯米包（四件） $34、灌湯餃 $38、四寶雞扎（兩件） $18
向本地點心供應商取貨，灌湯餃啖啖都係料，juicy 爽彈；生炒糯米包軟糯香口，懷舊有風味。
相糯米皮口感煙韌，飯粒入味重臘味香，水準不亞於酒樓吃到的。
生炒糯米飯 $48
翻蒸後糯米飯依然有鑊氣，飯粒又不會過濕，這個分量夠兩個人食，臘肉和臘腸都足料。
【info】
Mr. Cool 優質食材專門店
地址：深水埗大埔道 42 號
電話：2653 9288
營業時間：星期一至六 12nn - 8pm、星期日及公眾假期 12nn - 6:30pm
