前五星酒店甜品師主理!爆餡卡通冬甩+麻糬波波 焦糖燉蛋/開心果

發佈: 2024.01.01
文: 黃詠恩

想買打卡散水餅或Party甜點?由前五星級酒店甜品師主理的 IG網店「A Little Gift Bakery」主打卡通冬甩、爆餡炸冬甩、流心餡麻糬波波,有焦糖燉蛋、開心果、Tiramisu、拉絲麻糬、 爆漿芝士等口味,賣相吸引,甜品控在旺角雅蘭中心就能買到啦~

Click圖睇Menu:

「A Little Gift Bakery」小店的甜品均是前五星級酒店甜品師店主的心機之作,有招牌冬甩、麻糬波波等,每款都是新鮮手工製,可買來做散水餅、生日派對或婚禮Party甜品。

卡通冬甩($26/件*)的手繪動物造型好可愛,至適合相機食先,可自選貓貓、柴犬、小豬、熊仔、小雞等動物造型~手作卡通冬甩選用低糖低油配方,口感像蛋糕,有黑朱古力、薄荷、咖啡、綠茶、士多啤梨、檸檬、牛奶朱古力味等。

爆餡炸冬甩*共18款,推介焦糖燉蛋冬甩($42),面層有金黃炙燒焦糖,夾心有混合了紫薯的綿滑大甲芋泥,另可選麻糬、伯爵茶、朱古力、抹茶、開心果、Oreo、Lotus餡。鹹食的芝士肉鬆冬甩($42)亦很吸引,內有滿滿的日本芝士醬!

必試開心果冬甩($42),加入開心果脆脆和香濃開心果醬,而Tiramisu冬甩($42)賣相超邪惡,附有咖啡酒,若整體味道濃一點會更佳~

煙韌控別錯過脆皮焦糖冬甩($32),內有煙韌拉絲牛奶麻糬,加上脆皮焦糖,多重層次。

伯爵茶冬甩($42)的流心吉士用上Twinings伯爵茶,冬甩面層鋪滿曲奇脆脆,口感豐富。檸檬撻味冬甩($42)的唧花好精緻,檸檬醬內餡以新鮮檸檬熬煮製成,酸酸甜甜,值得一試!

喜歡水果口味的朋友可試試士多啤梨冬甩($42),以新鮮士多啤梨製成流心果醬,配雲呢拿吉士,甜度適中。果醬餡冬甩($32)有杏桃配香橙,以及士多啤梨配紅桑子味。

「A Little Gift Bakery」新推出布甸麻糬波波($19/粒),得意貓貓造型打卡一流,外層煙韌,內有香滑布甸。

麻糬波波爆餡芝士($12/粒)、流心Valrhona 朱古力($11/粒)、伯爵茶($7/粒),流心效果超澎湃。麻糬波波亦可加$4配朱古力、伯爵茶或雲呢拿吉士餡。

A Little Gift Bakery

IG專頁:@alittlegift_bakery
WhatsApp查詢及訂購:6377 4908

實體售賣點:𝗖𝗢𝗡𝗙𝗘𝗖𝗧 @co.nfect

地址:九龍油尖旺旺角彌敦道625-639號雅蘭中心2樓
期間限定:即日起至2024年5月31日

網購需一星期前預訂,不設最低消費,急單另洽
*卡通冬甩預訂30件以上可享優惠價,每件$24
*爆餡冬甩優惠:$32款冬甩 $120/4件|$42款冬甩 $110/3件
*如欲訂購迷你版卡通冬甩或爆餡冬甩,可向店舖查詢

前五星酒店甜品師主理!爆餡卡通冬甩+麻糬波波 焦糖燉蛋/開心果

<< 提醒各位購買前留意訂購平台的使用條款及細則,一切以訂購平台及店舖公佈的價錢為準。數量有限,售完即止;所有條款細則更新至文章發佈日期,訂購平台及店舖保留更改條款權利,U Lifestyle 概不負責。>>

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more