由 BBQ 7080 集團開設的韓式小食店 Norayo K-Street，主打韓國大熱街頭小食，當中最爆嘅係超巨型炸魷魚，隻隻有 30cm 長，全部由韓國入口，再在小店中即叫即炸，炸好後會灑上芝士辣粉，脆漿勝在不太厚，而辣粉亦有陣陣芝士香，慢慢滲出辣勁，幾刺激。韓國人食炸魷魚最鍾意配啤酒，這裏雖然無啤酒賣，但有 Ice tea 代替。最過癮嘅係依足韓國人啤酒飲法，用高身膠杯盛載 Ice tea，成枝攞住邊行邊飲，夠晒注目！
早排勁 hit 的雪花冰，這裏一樣有，但為方便客人邊行邊食，所以特別做成迷你版本。4 款口味包括原味、藍莓、綠茶紅豆、芒果，用韓國雪花冰機即製，像綠茶紅豆，就層層疊鋪上韓國綠茶粉和紅豆，超足料！餐牌上還有其他小食，如韓式魚蛋、韓式粉絲、炒年糕、紫菜飯卷等，但由於新開張，食材貨源仍未穩定，想食就要碰碰運氣！
炸魷魚 （$88）
選用超巨型的韓國大魷魚，鮮味濃，口感軟腍，灑上少許芝士辣粉，更加惹味。
迷你沙冰（ $40）
有原味、藍莓、綠茶紅豆、芒果共 4 款口味，包一球雪糕，用膠杯盛載，邊行邊食方便又涼快。
Ice tea（ $28）
長型膠杯特別從韓國引入，裏面倒滿冰茶和碎冰，夏天飲很解渴，有桃和檸檬兩種味道。
Norayo K-Street
地址：尖沙咀加拿芬道 45-47 號宏生大廈地下 D2 號舖
營業時間：11am-11pm
想睇更多？即上 新餐廳 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
