我用人頭擔保，呢個拉力測試係堅過石堅㗎。呢件三文治真係平日奉客版本，無 PS、芝士無加料，只要唔好粗魯，細細力慢慢拉起，真係可以中間的芝士拉出成呎長的「芝士絲」，效果真係衝擊眼球，呢期喺 instagram 洗版都好合理。
因為人人見到佢都「黐綫㗎！黐綫㗎！」咁叫，創作出呢份三文治嘅廚師 Boky 話一早知外 grilled cheese sandwiches 喺外國勁 hit 嘅邪惡 comfort food，香港咁難搵，一於自己落手做，一係唔做，一做就要有離晒譜嘅 WOW WOW 聲 effect，於是重手落足帕馬臣、車打同水牛 3 種芝士，另外仲有 2 種要保持神秘嘅芝士，5 種加埋就做出呢個拉力勁過海賊王路飛嘅芝士，Boky 仲做咗兩個版本，分別係紅菜頭方包加上 homemade pesto 嘅紅龍版本、同以竹炭麵包加日本咖喱做嘅黑勢力版，兩款都用 2.5cm 厚嘅方包製，塗埋牛油連埋勁重手嘅芝士同旁邊嘅幼薯條，真係肥仔到呢...不過上帝都唔可以否定，吞脂肪勁開心囉，減肥聽日先啦！
重點推介：
黐綫咖喱芝士黐住芝士絲治 $88 (星期二至五供應)
黑色麵包其實是加了竹炭，賣相勁有型。裏面嘅配料都相當配合，因為 5 種芝士外，還配上自家用日本咖喱磚及香料做的咖喱醬，少少辛辣味令三文治相當惹味，芝士帶鹹香，熱辣辣加半融食到唔停得口，連旁邊嘅幼薯條都香脆好味。
黐綫芝士黐住芝士絲治 $88（星期二至五供應）
holy chef
地址：長沙灣保安道 401-405 號昌暉大廈 12 號舖
電話：3460 3304
營業時間：星期二至四、星期六日及公眾假期 12nn - 9pm，星期五 12nn - 6pm
收費：只收現金，不設加一
交通：港鐵長沙灣站 C2 出口，步行 8 分鐘
泊車：麗寶商場 $15/hr
平均消費：$100
相關報導：
京都無添加麵包登陸
自然の味麵包到着
無基因改造麵包店
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
