更有不少明星捧場，掀起蒸鍋熱潮。店子屬街坊店格局，在靚裝新店夾擊下，卻無損人氣，晚市要分時段入座，周末日子要一星期前訂位，10 月開始加推午市，依然是大熱之選。
| 試食專員－陳國強師傅 本地名廚陳國強師傅、曾任東來順顧問總廚，於烹飪比賽節目《大廚出馬》獲總冠軍，經常為飲食節目擔任嘉賓主持，對中菜非常熟悉。 |
海鮮選擇
門口魚缸養着多款生猛海鮮，最吸引是放滿貝類的角落，包括連街市都少有的鑽石蜆、夜明珠、胭脂蚌、紅磨鏡、珍珠貝等，每晚起碼有十七八款，單睇已經好吸引！貝類款式是眾多店中最多，部分更是外國貨。大部分以例牌分量計，由 $68 至 $98，相比起五六十元一隻的元貝或蟶子等，價錢相宜。飛哥每日去馬鞍山、紅磡等幾個街市檔口親自買海鮮，魚類絕大部分是海魚，還會以水上人傳統的鹹鮮做法，醃一日再風乾一日炮製成鹹鮮。
蝦蟹款式也多，花竹蝦仔、藍蟹等，每晚海鮮共三四十款，主要清蒸，連蒜蓉也不加，也不建議蘸醬油吃。人少吃不到太多款，可揀每位 $380 的海鮮拼盤套餐，包括約 12 款海鮮，其中有五六款貝類，包保試到特別款式。
| 陳師傅 Comment：海鮮選擇非常多，尤其是貝類，有幾款我都好少食到。蒸架鋪上荷葉的做法幾聰明，萬一蜆有沙，有荷葉阻隔，避免沙流入粥底中，破壞整鍋粥﹔而荷葉只鋪了一半蔬架位置，蒸海鮮的水仍然可以流入鍋底，好快煲到靚粥。鹹鮮魚肉質實淨，水準不錯。 |
其他配料
安格斯肥牛、有機五花腩、新西蘭羊肩、雞等肉類，另有冬菇釀墨魚滑、翠肉瓜釀豬肉、豬肉釀娃娃菜、煙肉金菇卷等手作菜式，還有時蔬、手打麵、糯米飯等。飲品有自製的洛神花茶、五花茶、檸檬薏米水等。
| 陳師傅 Comment：手作菜式頗吸引，蔬菜選擇也足夠。 |
粥底
只用泰國絲苗米，不加其他食材，就連排骨也沒有，堅持只吃海鮮粥的原味。煲好粥後，可選擇加生菜絲、榨菜、大頭菜或葱花。（粥底加配菜 $88）
| 陳師傅 Comment：用上不銹鋼鍋及鍋蓋，更受熱，保留更多水份煲粥，更快煲得綿滑效果。就算兩人幫襯，蒸個多小時後，都夠水份煲粥。味道很清，吃得出海鮮味，加埋生菜同吃，感覺更清爽。 |
環境
街坊火鍋店格局，約一百個座位，包括獨立房間，晚市繁忙時間要兩輪才可入座。
| 陳師傅 Comment：裝修簡單，尚算舒服。最鍾意門口旁的海鮮檔，放滿十幾款貝類，寫清楚款式，似海鮮街市。蒸鍋用上不銹鋼玻璃鍋蓋，但沒有倒汗水流到食物上面的問題，反而沿著鍋邊流回鍋中。草帽鍋蓋保留的水份較少，相比起來，要吃多幾款海鮮才煲得成靚粥。 |
總評：
貝類特別多，好似去咗西貢海鮮市場，即叫即處理，很新鮮。價錢逐份計，幾十元有交易，幾抵食。有水上人傳統的鹹鮮魚供應，見特色。
皇朝私房火鍋
地址：紅磡崇志街 20 號
電話：2350 5050
營業時間：11:30am-3pm，6pm-12mn (晚市分兩個時段：6pm-8:30pm、8:45pm-12mn)
收費：現金及信用卡，設加一，茶芥$10/位，海鮮價錢可能有所變動。
交通：乘巴士於鶴園街或機利士北路站
泊車：陽光廣場 $12/hr 起
平均消費：$300
相關報導：
解構：大熱蒸鍋！
人氣蒸鍋逐間評！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
