入返正題啦，今期我介紹呢間 cafe，勁啱南區巿民同澱粉質女孩。作為南區嘅街坊，自從謝利記結業之後，真係無啖好吃，不過，唔通連個天都好鍾意我？黃竹坑工業區居然有新潮食肆崛起，真係要嗱嗱臨過嚟試。
作為澱粉質女孩，麵包比起名牌包包可以令我更失控，話說有日揸車經過，我就係被呢堆麵包吸引咗入嚟。呢間舖集手工麵包店同 cafe 於一身，啲包包無乜花巧，但有我鍾意食歐式包同日式包包，隔住本雜誌你可能感受唔到，但我夾包包時，真係聞到香噴噴的麵粉香㗎。原來啲包包用 100% 日本麵粉製造，仲有啲好靚嘅材料，好似十勝紅豆、黑豆、馬達加斯加呍呢嗱、西西里開心果等，做得好有心。舖頭而家有40 款麵包左右，嗰個用咗小麥、裸麥、太陽花籽、亞麻籽等 7 種發芽穀物做嘅竹炭麥芽麵包，食到麵粉香，唔錯。
連 cafe 部分啲麵包都係呢度嘅餅房做，你哋見到好靚嘅紅色漢堡，唔係加食物色素做㗎，係麵包師鮮榨咗紅菜頭汁，再混入粉團度整，鬆軟好味，好有誠意。另外，我仲要推介埋呢度嘅 gelato，嗰日我吃咗石榴雪糕，石榴味好清香，食完麵包食雪糕，真係飽飽過肥年。
Bread and Bistro
地址：香港仔黃竹坑香葉道 2 號 One Island South 地下 G06 號舖
電話：3426 9883
營業時間：星期一至五 8am - 5:30pm，星期六 8:30am - 5:30pm，星期日及公眾假期休息
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
