心水清嘅朋友，應該估到箇中端倪！因為新戲《真‧哥斯拉》即將上映嘛！咁啱一風堂進駐香港 5 周年，於是乎兩個單位玩 crossover，喺舖內加咗很多哥斯拉裝飾畀大家影相，同時推出期間限定「五周年海老豚骨拉麵」$88。點解揀海老？我問過店方。話說向來對日本持撮片情有獨鍾的一風堂，上年以龍蝦為主題聯乘蒙面超人，反應不俗，所以今次再玩crossover，就諗下有乜主題同哥斯拉有關，發現原來 1966 年哥斯拉曾經大戰過巨大蝦怪，營運顧問宮木祟茂先生忽發奇想，炮製一碗由頭蝦到落尾的拉麵。以為一定係日本 feel？食落卻有濃厚的香港味！
點解一碗海老豚骨拉麵會有濃厚的香港味？麵條以蝦子及蝦米粉炮製，味道有點似中式的蝦子麵，再加上以蝦醫及海老 xo 醬製成的味噌及一粒香港街邊小吃必有的炸雲吞，再配上龍蝦及一風堂秘製豚骨湯熬製的湯底，味道香濃，且陣陣龍蝦香，錯覺以為自己食緊港式麵！
特製的海老肉味噌，除了有蝦醬及海老 xo 醬外，還有粒粒蝦乾，蝦味濃郁。
每碗海老豚骨拉麵，附送芝士粉，吃到一半時灑在麵上，會令蝦味更突出。
店內哥斯拉蹤影若隱若現，每張都附設拍攝小道具畀食客呃 like。
特式盛夏小食
除特別版拉麵外，舖頭更推出多款適合炎夏的特色小食，好似煙肉辛口冷豆腐，在冷豆腐鋪上粟米及煙肉粒，再淋上酸辣味醬汁，好醒胃；野菜餅角包，香軟的角包，夾上野菜天婦羅餅，適合素食人士。至於黑松露汁博多一口餃子，黑松露汁的香味，減去餃子的肥膩感。當然，不要錯過紅豆抹茶雪糕銅鑼燒，抹茶雪糕加紅豆經已是絕配，再加上微熱的銅鑼燒，冰火交融，正。
煙肉辛口冷豆腐 $28
野菜餅角包 $28
黑松露汁博多一口餃子 $28
紅豆抹茶雪糕銅鑼燒 $28
推出日期：7 月 27 日至 10 月中旬
地點：香港全線一風堂
文：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
