原來要拎個包包搖嚟搖去先知，直徑約 10cm 的包子，裏面原來唔係肉餡，有 8 成係湯汁，拎上手起勢咁搖，湯汁都唔會漏出嚟！記者搖足佢 5 分鐘拍攝，飲落個湯汁都係勁熱辣辣，對「神奇」 兩字真係不能同意更多。
蟹黃湯包 $45 個
湯包皮規定只有 1mm 薄，不少於 30 個摺口，裏面有一小碗約 100ml 的湯汁及一隻 1.2 両左右的大閘蟹蟹肉蟹膏，約 8 成是湯。湯包會連盒及附一枝幼身的麥榦做飲管奉客，插入飲筒飲用湯汁，蟹味都幾突出，仲多多餡料，以蟹黃為主，喝完湯後連包也吃埋。
篤爆個湯包，蟹黃湯爆出嚟，裏面足足一小碗，約 100g 的湯汁。
舖頭好鬼 Cute，店員會載一頂可愛的蟹形帽子。
【相關報導】
記者當然會發揮八卦本性，原來此店勁嘢嚟，上過《舌尖上的中國》，那英、謝霆峰都吃過，之前應香港旅遊協會邀請 Food Expo 擺攤幾年，招牌就是那個神奇的蟹黃湯包。老闆 Coco 同 Jacko 看好這包子，於是開了「尚香」實體店。
國內的「尚香」在北京、廣州上海約有 30 間，其江蘇靖江店更曾登上《舌尖上的中國》，品牌最引以自豪的是傳統的湯包皮，圖中是老闆孫先生，為表達包皮的韌性，他將空氣吹入麵皮裏，吹到大大也不會破。（《舌尖上的中國》截圖）
開店才幾日，巿場反應幾好，6pm 左右排了不少客人。
【相關報導】
舖頭在國內有 30 間分店，規模中型，總工場日做 10 萬個蟹黃湯包，供應全國分店及包裝的零售版本。它們的出品好精品，請咗 20 位頂級點心師傅在工場工作，其中一位更被國家封為「非物質文化遺產」包點師，湯汁同扞皮都是手製的。
鮮肉小籠包 $35 五件
鮮肉小籠包外皮也是 1mm 厚，這款湯汁約佔 3 成，小籠包風格是海派的，豬肉口感實在，肉味鮮甜，幾有嚼頭，這款更能吃到外皮的煙韌。
切開小籠包，就見到裏面以肉為主，湯汁是混和了豬肉的，不是台式那種肉少湯多的。
此包不同上海的「南翔饅頭店」的湯包，無豬肉，80% 是湯汁，用豬背皮，去脂去油後加大筒骨及老雞熬 6 至 8 小時，裏面也混合 1.2 両重的靖江大閘蟹肉蟹黃，主要飲湯汁。做法上最難當然是麵皮包得住約 100ml 的湯汁，麵皮以傳統方法製，以一雙欖核型的棍子扞皮，才做出邊位厚、中間薄的湯包皮，厚度只有 1mm，煙韌到吹入大量空氣都不破，由於皮薄，兼且幾好食，可以吃埋，不似南翔那種麵皮太厚，吃完湯包子即棄。
湯包皮以傳統的雙棍扞皮，棍子呈尾尖中間厚的欖核形，能扞出邊位厚、中間薄的麵皮。（《舌尖上的中國》截圖）
糯米燒賣 $20 四件
糯米燒賣幾出色，糯米入味而且蒸煮軟糯但不會黏答答，外皮都仲有韌性，每粒飯量都不少，飽。
蟹黃小籠包 $45 五件
鮮肉外仲有蟹黃，兩者都帶甜鮮味。
香港跟江蘇店是加盟店，產品都由江蘇總店運來香港，總店有低溫貯存技術，以 -125℃ 的超低溫急凍包子，由於此低溫不會令包子裏的水份結冰破壞細胞結構，保存到包子鮮味，到店蒸 15 分鐘可奉客。記者試過，包子確是外皮煙韌，湯多多但搖極不破。最特別是跟足中國吃這包子幾百年的傳統，配了一枝小麥枝榦當飲筒，筒子好窄飲勁熱的湯都不會辣親嘴仔。店裏除了蟹黃湯包，還有小籠包及糯米燒賣 3 款食品，湯包要等 10-15 分鐘，但咁神奇，值得等啦。
店主孫先生特別來店監督。
尚香湯包
地址：旺角廣華街 1 號
電話：2481 8686
營業時間：12nn - 10pm
文：Sieg 攝：Suki
【相關報導】
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
