輝哥一向拿手雞煲，其秘製炒花椒及香料的手法，令雞煲久煮也不會有苦味，雞隻經特別醃製才煮，滾足 45 分鐘都不變老，就算食住等朋友也不怕變成老韌雞。烤魚亦不弱，除了以相宜價錢提供一斤半以上重的沙巴龍躉外，最重要還是那酸菜辣湯底，輝師傅自家醃製酸菜，絕不使用化學醋精，醃足廿日以上，別具自家風味，酸菜更分大辣及少辣，配合不同口味需要。此外，最估不到是其避風塘系列，金蒜固然即叫即炸絕不用現成貨，新鮮炸起亦令香味加強，加上在金蒜中加有以陳皮及豆豉炒過的醬，除了令味道帶點果香，亦稍微平衡了金蒜的熱氣。當然，肥牛、特色火鍋配料這裏也有不少，始終餐廳屬囍慶集團旗下，有客人支持，靚料自然來。
煌極麻辣雞煲 $118/半隻、$188/全隻
選用三黃雞，先將雞肉醃過，然後以廿多種醬料煮成的雞煲醬再煮，紅黃花椒先經特別炒製，令再煮時不會滲出苦澀味，令雞煲吃來帶甜不苦，而雞肉亦十分嫩滑。
沙巴龍躉烤魚配酸菜辣湯 $288
巿面一般用鯇魚，這裏可選龍躉，龍躉魚肉更滑膠質又多，而且沒有泥味，更適合做烤魚，加上秘製的酸菜辣湯為其添鮮香。
千層蛋糕 $48
極似日式煎蛋卷，卻是鹹版，千層蛋卷正好可索入大量湯汁，吃厭了冰豆腐不妨試試。
頂上牛頸脊 $488
只選用極肥牛隻最頂級的牛頸脊部位，雪花特別多。此肥牛如此貴，全因有時訂都未必有得吃，要看運氣，墨魚味極香濃，而且軟得來又有彈牙口感。
鴛鴦墨 $78
黑色如墨條的是以墨魚汁、墨魚膠及墨魚粒做成，並略為煮熟，墨魚味極香濃，而且軟得來又有彈牙口感。
避風塘炒蟹 時價
泥蟹來自菲律賓，隻隻明碼實價寫好價錢，可因應需要點選，避風塘做法極香口，蟹肉夠厚身，亦夠入味。
備註︰ 火鍋醬料費每位 $10、小菜晚飯每位茶錢 $10
煌極
地址：尖沙咀金巴利道 35 號地下
電話︰2827 2333
(原文摘自《U Magazine》文：潘小熊、Winnie、圖：Nova)
