紅磡最近新開幕的嘉里酒店，內隱藏一個超過2萬呎的美食廣場「百味村」，Food Court 集合10間主打不同菜式的餐廳，當中包括一間韓國過江龍餃子店「東山餃子」。
東山餃子總店位於韓國京畿道一山東區，現有多達17間分店，餃子店食品種類不算複雜，主打幾款餃子和包點已吸引到不少韓國人及旅客去朝聖。
影片截圖：FB@Dongsandumpling
餃子店來到香港，食譜及製法亦跟足韓國店的食譜及製法，店內的餃子和包點每日由人手新鮮製作，鮮味十足；開業初期，韓國師傅更會駐場監督，讓港人都食到韓國當地的水準。
「肉鮮蝦大餃子」是店內必食的特色餃子，新鮮搓起的餃子皮中，加入用蔬菜和肉製成的餡料，再放入原隻蝦包製而成。
蒸起的餃子隻隻都脹卜卜，餡料份量十足，豬肉中帶淡淡鮮蝦味，味道較清淡；而喜歡食辣的朋友，不妨試試「泡菜鮮蝦大餃子」，微辣的泡菜汁加上配搭鮮蝦特別惹味，雖肉汁不算多，但值得一試。
「肉鮮蝦大餃子」和「泡菜鮮蝦大餃子」可選不同份量：3隻（$58）、5隻（$88）及8隻（$118），若貪心想試齊兩款的話，亦可以選每款各有4隻的「雙拼」（$118）。
相比起「大餃子」，Size 較細普通蒸肉餃肉汁較豐富，同樣可選辣味突出的泡菜口味，一籠8隻（$58）。
餃子以外，店內亦有供應蒸包，看似平平無奇，但麵包皮就已用了不同材料製成，4色包括原味、黑米、綠藻素及南瓜。
紅豆包每件售$18，與拳頭一樣大；撕開包身後，紅豆餡料爆出，超足料！
紅豆包食落不會太乾身，紅豆味道適中不會過濃，而且包的質感厚實，食一隻都好飽肚。東山餃子負責人表示，將來或會在香港開設更多分店，喜歡食餃子的朋友要留意了。
東山餃子
地點:香港九龍紅磡紅鸞道38號1樓百味村（嘉里酒店內）
開放時間:星期日至星期四：11am-1am/星期五、六及公眾假期：11am-2am
電話:2252-5888
