中環原來有間地道正宗的韓國餐廳「BUSAN NIGHT」，無論老闆或是Staff全部都是韓國人，裝潢和店面也似足韓國，各位Oppa更身懷調製燒酒的技術，好飲又好玩，氣氛超熱鬧！走上二樓更將韓式卡拉OK完整搬到中環，飲返兩杯再熱唱，唱到聲沙都不是問題~食物方面都有惹味烤肉、足足半米長的雞蛋卷、暖胃魚糕湯等等。今次小編仲邀請咗Oppa親自拆解韓國愛酒文化，記得睇片啦！
「BUSAN NIGHT」門口擺放了幾張藍色紅色的塑料枱，再加上韓文招牌，未行入去已經feel到「韓」風陣陣！
由Oppa幫手燒的魷魚烤五花肉（$280）份量不少，五花腩片肥瘦分明，油香十足，魷魚緊實彈牙，味道微辣開胃，記得包埋生菜一齊食！韓國菜當然不能錯過魚糕湯（$178），湯壺上枱賣相可愛，更有多款種類的魚糕，飲落好暖胃。
招牌50cm雞蛋卷（$258）就最吸睛，足足半米長，蛋卷裹上多種配料，包括紫菜、金槍魚、芝士、泡菜等等，啱曬同大胃王朋友share~牛肉炸醬麵（$88）味道偏甜，撈埋流心蛋汁更邪惡。
女士一定會喜歡這款草莓炸彈米酒沙冰（$258），酸甜士多啤梨混合微微辛口的米酒沙冰，爽口甜蜜。
↓點擊圖片放大↓
上到二樓更有一間獨立K房，完美將韓式卡拉OK搬來中環，也有部分中文歌可以點唱，同朋友gathering就最happy啦~
BUSAN NIGHT
地址：中環士丹頓街28號地舖
營業時間：星期一至日12:00-15:00
電話：66571905
