咦！拱型天花加黃銅燈，仲要盞鬼到扮歐洲舊車站發車時間表，突然仲有個靚仔同我搭訕，佢講法文㗎，十足去咗法國 Central station 啲立飲 cafe。實不相瞞，同我「搭訕」嘅靚仔其實係 cafe 老闆 Chris，講公事咋，佢哋嘅父親大人 Toni，其實係甜品店 Paul Lafayet 嘅法籍創辦人，我一早就識，佢兩位公子 Chris、Merwann 同法國朋友 Mattieu 因為係咖啡精嘅原故，創業就唔做甜品老本行，反而開自己最愛的咖啡店。
Chris 話佢哋太鍾意飲咖啡，就算 Paul Lafayett 有唔錯嘅咖啡，但風芒都被好味嘅甜品蓋過，於是目標為本，開咗呢間精品咖啡店，認認真真做靚啡。嚟呢度，一定要試佢哋嘅意式咖啡，咖啡底都有 House Blend 同中度烘焙嘅埃賽俄比亞耶加雪夫單一產區 A 級豆 2 款，前者以巴西、哥倫比亞及埃塞俄比亞豆拼配，帶果仁香，易入口，啱咖啡新手；後者就最啱 advanced 版嘅啡友，沖出來的咖啡帶橘子味、茶味，滋味獨特。另外仲不時有由法國法國烘焙公司 Coutume 及 Belleville Paris 的高級咖啡豆做濾泡咖啡，單係這 4 種咖啡玩法已教人驚喜。
呢度仲有一樣坊間咖啡舖無嘅優勢，就係有埋 Paul Lafayett 嘅招牌糕餅吃。我最 like like 嘅檸檬蛋糕，仍然檸香十足，食落都係咁 refreshing，配富果仁香 Piccolo latte，真頭係天作之盒；另一款好特別，就係加咗芝士同火腿嘅 loaf cake，蛋糕帶少少鹹香，唔錯喎。Chris 仲鬼鬼馬馬咁叫咗杯 Blackbeard 畀我試，望落似黑啤，原來 espresso 加可樂、檸檬同肉桂，飲落超好氣，甜甜地似黑牛，味道呢，only love & hate，同行攝影師就勁 like 啦。
我給大家一個好重要嘅「上車」建議，就係唔理自己有幾飽都好，唔好放過佢哋即場燒出焦糖嘅 Paul Lafayett 焦糖燉蛋，仲有 Paul 記嘅 Macaron、蛋批、朱古力 brownie、法包三文治及 bagel 等，真係嚟 cafe 都吔飽到你，快啲截架車嚟上呢架車。
La Station
地址：灣仔皇后大道東 248 號陽光中心地下 G1 及 G2 號舖
電話：2868 2100
營業時間：7:30am-6:30pm
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
