酒店是今屆「法國五月」的官方酒店夥伴，所以 5 月份的自助晚餐以「法式盛宴」為主題，炮製約 10 款阿爾薩斯經典美食，菜式很少在自助餐出現，對於法國菜粉絲來說，既有特色，又可任吃，吸引！
先看冷盤，除了多款 cold cut 及風乾火腿蘆筍卷外，也有來自阿爾薩斯的香腸及 Munster 小茴香芝士做的「法式沙律」，此豬肉腸為阿爾薩斯首都斯特拉斯最受歡迎的美食之一，肉味特濃好好吃！多款熱葷更依照當地流行的煨燉烹調法，並以橙紅 Le Creuset 鐵鑄鍋盛載，保持熱辣。其中酸椰菜雜錦肉鍋最具代表性，有齊鹹豬手、豬腩肉、豬肉腸及煙燻香腸，酸椰菜自家以香葉、多種香草、洋葱、醋及鹽醃製，酸味鮮活。人氣的紅酒燉羊肉，加入 Pinot Noir 紅酒燉，濃香惹味。必試還有法式烤薄餅，阿爾薩斯方言名叫「Flammekueche」，鋪上法國豬腩肉、煙肉、洋葱及忌廉焗，金黃鬆脆香噴噴。
至於阿爾薩斯家庭風味甜品一樣不缺，像家家戶戶都做的鮮果撻、奶油圓蛋糕及法式香料蛋糕等，以葡萄酒木箱子盛載，夠晒 French style！愛酒之人不妨加多 $160，可一次過淺嘗 3 款阿爾薩斯白酒。當然，buffet 的海鮮陣仍是亮點：生蠔、麵包蟹、新鮮龍蝦、日式刺身，還有美國 prime grade 牛肉，照常源源不絕供應，又可任飲果汁汽水，buffet 精一定大滿足！
法式烤薄餅（Flammekueche）
源於德國，餅底有長方形亦有圓形，口感鬆脆。鋪上豬腩肉、煙肉、炒香的洋葱及法國忌廉汁，非常香口。
特色法式沙律
有阿爾薩斯香腸、Munster 小茴香芝士及薯仔，拌上法國芥末醬及酸瓜粒，美味的 perfect match！
蘆筍卷
以風乾法國火腿捲着蘆筍，火腿鹹香，蘆筍甘爽。
酸椰菜雜錦肉鍋
包括豬手、豬腩肉、阿爾薩斯香腸、煙燻香腸，粗獷 meaty，有酸椰菜幫助減減膩。
紅酒燉羊肉
加入煙肉、蘑菇、洋葱、紅葱頭同燉，令紅酒汁更香惹，羊肉鬆化入味。
鮮果撻
選用時令雜果，有藍莓、芒果、紅桑子、奇異果、士多啤梨，吉士忌廉撻底很鬆化。
奶油圓蛋糕
蛋糕乾身，質感似歐洲式麵包，內有自家用冧酒浸的提子乾。
萬麗咖啡室
地址：灣仔港灣道 1 號香港萬麗海景酒店閣樓
電話：2802 8888
供應時間：即日起至 5 月 31 日 6:30pm-10pm
收費：星期一至四 成人 $568/ 位、小童 $368/ 位；星期五至日及公眾假期 成人 $588/ 位、小童$388/ 位，設加一。
註：逢星期二及四晚增設鐵板燒，提供即煎鵝肝。
想睇更多？即上 自助餐 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
