80 後主理人阿禧，3 年前曾跟爸爸「洪叔叔」父子兵上陣，在第一街開過川菜館「洪廚」。今次東山再起，特地返回西環再開店，「我好鍾意西環，個個街坊好有人情味，生活節奏比其他區慢和舒服。」他遂決定為老區灌注一股新動力。
首先在店舖裝潢上，他便花足心思，將淥麵廚房做成綠色鐵皮檔，又把牆身改成風琴閘士多、掛上油米行書法招牌，加上預咗搭枱的圓枱，讓客人有「踎街邊」食麵的感覺。裝潢有味道，食物在試業期來說，亦算不過不失。湯底有泰式紅咖喱、牛腩汁等可選，招牌汁底「洪叔叔麻辣汁」則改良自爸爸拿手的擔擔麵湯底，用四川辣椒粉、花椒粉等材料炒成，特別在老闆用泰式辣椒粉代替傳統用的指天椒，令湯底少了嗆鼻感，多了一分引人垂涎的香氣，吃來不算辣，絕不會蓋過其他車仔餸的風頭，更抵讚是喝罷不覺口渴！
車仔餸有約 30 款，常點款式如蘿蔔、豬皮、豬大腸、雞翼尖、滷水腩片等不缺，多用自家白滷水隔夜醃製。設自選，也有既定款式如招牌牛魔王和懷舊豬四寶。分量來得慷慨，也吃得出處理用心，尤其是內臟，老闆以薑蔥、花椒、八角等材料汆水，難怪全無羶味，食落也爽彈有勁﹔更精采是佐麵小食，如芝心茄子王、麻醬碎炸雞、口水腩片等，配搭、醬汁多是老闆左調右配的成果。吃出新意。
口水腩片 $34
曾經是洪廚的人氣四川小食。即叫即撈，五花腩皮切得夠薄，跟辣、酸、香俱備的麻辣汁拌在一起，香辣過癮。
招牌牛魔王麵 $45
包括牛筋、牛腩、金錢肚和草肚，還有滷蛋和小白菜，配微辣的洪叔叔麻辣汁最匹配。
懷舊豬四寶麵 $42
豬四寶即是豬紅、豬皮、豬大腸和豬五花腩，樣樣都給得慷慨。五花腩嫩滑，豬大腸好有嚼頭，而且丁點羶味也沒有。
自選車仔麵（3 餸起，每款 $9）
不想吃指定車仔餸的，當然可以自行配搭。3款餸起，推薦豬皮、蘿蔔、酸齋和芽香豬頸肉，全部自己醃，一吃就知花過心思。
新店裝潢大玩港式情懷，摺凳、風琴鐵閘、綠色鐵板檔等，處處影相位，開業幾天已吸引好多街坊幫襯。
80 後老闆阿禧曾專程回內地跟四川菜師傅學藝，故麻辣汁膽及口水腩片都是他很有信心的菜式。
洪叔叔車仔麵
地址：西營盤德輔道西 366 號中亞大廈 8 號舖
電話：3704 7159
營業時間：11am-3pm、6pm-9pm
收費︰只收現金，不設加一
交通：港鐵香港大學站 B 出口
泊車︰
備註︰試業期食物售完即止
文：Joyce K、攝︰Suki
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
