如果你喜歡吃日式刨冰,應該聽過位於銅鑼灣的 SHARI SHARI Kakigori House氷屋,舖頭會按時令推出不同口味的刨冰,可能適逢南瓜當造季節,萬聖節又就快到,最近就推出呢款季節限定的南瓜味刨冰。大大座冰山上,澆上南瓜醬;唔係一般色素或南瓜味糖水,用北海道產惠比壽南瓜炮製,從日本直送,所以刨冰每天限量供應,暫定供應至10 月底。溫馨提示,試食當天我晚上 7 點半來到,慶幸吃到最後一份!要吃趁早!
南瓜味刨冰 $82
刨冰唔係只得南瓜醬咁單調,仲有焦糖醬,頂端仲有超過 10 粒南瓜籽,睇頭十足。吃一口,南瓜味突出,吃得出足料,是日本南瓜一貫的香甜,焦糖醬的甜度亦剛好,沒有搶過南瓜風頭,刨冰纖細軟綿綿。
除了南瓜籽,刨冰裏還有消化餅碎,增加口感之餘,刨冰唔會愈食愈淡。$82 一個刨冰有點肉赤,但震撼賣相加上 ichiban 味道,物有所值。
白桃味刨冰(+ 奶凍 $12) $ 87
同場加映推出不久的白桃味刨冰。粉色白桃加上 yogurt 醬,女生見到一定鍾意!味道酸酸甜甜好 fresh 好清爽,而刨冰的頂部亦有 4 粒桃肉,口感更實在,又香又甜又多汁。
冰內有奶凍,以北海道 3.6 牛乳炮製,入口非常非常非常嫩滑(因堅滑所以要「非常」 3 次),桃肉、刨冰加奶凍,無論味道及口感都超豐富。桃迷必吃!
黑白天使味刨冰 $69
直覺話我知,黑白色,有 90% 都係 Oreo;無錯!呢個確係一個 Oreo 刨冰!真心,由於上面兩個實在太出色,相比下呢個賣相和配搭比較平凡!不過,Oreo 餅碎、煉奶加刨冰,可可香配搭奶香,沒有不好吃的理由。
刨冰內都有 Oreo 餅碎,唔會愈食愈淡。
Shari Shari Kakigori House 氷屋
地址:銅鑼灣希雲街 14 號地舖
電話:25291223
營業時間:1pm-11pm
文、攝:Froggie
歡迎你 like 我哋 U Food Facebook Page / U Food Instagram ,取得我哋更新更快嘅資訊!